一個價錢可以食到以上咁多樣嘢，真係性價比勁高
首先係食雞煲，雞煲有唔同嘅辣度選擇，雞件嚿嚿都好大件，佢嘅雞煲醬好惹味
店員會俾個漏斗你每2分鐘炒一次，共炒三次
超有體驗感，如果唔夠可以再繼續加雞煲食
之後就到蒸海鮮，海鮮盤上枱嗰一刻真係超打卡，一大盆海鮮呈現喺眼前，即刻忍唔住相機食先
海鮮有鮑魚蒜蓉粉絲帶子大蜆魚片中間仲有個烏冬
海鮮好新鮮同鮮甜
最後就係自選湯底打邊爐，出邊自助區有個大雪櫃，裝滿咗打邊爐嘅食材，都係任食，仲有呢度嘅牛頸脊牛肉都係任食 ！
仲有冷泡茶、日式啤酒、水果、雪糕糯米糍同埋雪燕糖水，真係諗唔到個理由唔係飽住個肚走
