GO熊小館 (薄扶林道) (Closed)

西營盤有台式午餐食！第一次叫呢間餐廳試吓，見到撈麵幾吸引，可能因為我哋叫外賣送餐，啲食物都凍得幾快，堂食應該會好少少。鹹酥雞撈麵配冬瓜茶$63- 我點呢個套餐係因為想重拾喺台灣旅行嘅情懷，基本上鹽酥雞點樣整都會好食。可惜，今次冇鹽酥香料嘅味道而且我覺得味道偏淡，炸雞冇香脆嘅口感，同埋都比較油膩，唯一嘅賣點係雞肉份量足夠，所以我唔建議外賣鹽酥雞食。撈麵口感彈牙，配上清爽嘅冬瓜茶，唔錯！其他朋友叫牛肉麵、香腸撈麵，味道都幾好。