叫左4 course set dinner 同凡高頂級羊架餐，仲有一個可以玩既凡高畫布蛋糕餐！
4 course set dinner：
👉🏻前菜 - 意式煙三文魚碟
沙津菜配上意式煙三文魚，沙律汁酸酸甜甜，配埋三文魚作為前菜係好開胃同埋係一個唔錯既選擇!
👉🏻是日餐湯 - 南瓜湯
滿滿既南瓜味，好香甜，個湯都好掛羹好濃郁!
👉🏻火焰護心肉牛柳串
有2大串! 洋蔥燒得好香，牛柳好淋! 除左主菜出色之外，呢碟既配菜都好出色，不得不提，薯角外脆內軟，好好食，而燒栗米都好香、牛油味重! Yummy!
👉🏻甜品 - Tiramusa
酒味重，質感軟滑!
凡高頂級羊架餐：
👉🏻歐陸式小食
同4 courses set前菜嘅沙律底係一樣既，不過就配左PARMA HAM同哈蜜瓜，仲有三文魚卷同蝦，味道層次更豐富!
👉🏻98%野菌忌廉湯
呢個湯好值得一試，食得出係用左好多炒香左嘅菇打成，好香菇菌味，有顆粒感，正!
👉🏻招牌澳洲頂級和羊配 蒜蓉香草醬薯角
和羊我地揀左5成熟，肉質好淋，冇羊羶味! 好容易切，唔錯! 蒜蓉香草醬薯角都係大推!
👉🏻甜品 - 斑蘭芝士蛋糕
質感好滑，斑蘭味出! 係一個好好既餐後甜品！
👉🏻凡高畫布蛋糕餐
我地揀左焙茶Cake! 佢仲配左畫筆型既餐具比我地，方便我地可以創作! 食得又玩得! 蛋糕帶少少冰感，食落似雪糕既感覺，入口即化! 個蛋糕切開，色彩都好豐富，好有藝術品既感覺！
比藝術包圍住享受美食既感覺，不錯！
