燒洒一族 (顯徑街市)

Open Now

Now Closed

今日係顯徑街市買餸返屋企食，街市好新淨，見到有燒味，就買咗幾樣！都好多選擇沖繩黑糖焗叉燒(一條)$38叉燒切到薄薄一片，唔似人哋求其斬到大大嚿，肉質好腍，黑糖唔算好突出，不過焗到甜甜地幾好食。價錢好抵，呢個份量比起其他餐廳算好多！蒜香南乳燒春雞$58雞件好大舊，咬落啖啖肉，肉質都幾滑。味道方面，南乳味比較出，味道適中唔會好鹹。酒醉花雕雞$58個人覺得呢個最好食😋一打開個盒，酒味好香，雞肉都有酒味，啲汁用嚟送飯唔錯😗酒醉燻蹄(半)$38返到屋企雪左一陣再食，食飯嗰陣做冷盤，都幾開胃！總括嚟講，呢間啲燒味份量好多，價錢好抵，間中買黎做餸唔洗煮好開心！下次要試吓個招牌燒豬手先😝