龍門樓 - 志蓮素齋

Open Now

Now Closed

當晚訂咗檯，首先逛咗一陣志蓮淨苑，第一次嚟，估唔到原來香港有一個咁禪既地方。感覺好似京都夜晚，值得一去㗎～雖然訂咗檯，但都等咗大概十分鐘先有得入座。食到咁上下，就嚟last order，我地就即刻嗌埋甜品。原來餐廳都好早收，無得慢慢坐。講翻食物，整體質素唔錯，所有嘢熱辣辣，同埋都有d特色。有個牛油果芝士春捲，好好味，不過炸南瓜就無咩特別。頭盤都幾特別，有粉皮、紅菜頭同唔知係咩既綠色植物：P黑松露手打麵好creamy，不過真係......carbs，全部都係carbs！糖醋魚就炸到好脆，個人覺得有d太熱氣。整體嚟講，齋鋪嚟講質素唔錯，環境就100分！所以嚟食一定要喺附近行下先。