Video
Read full review
2021-04-17
390 views
呢近好多飲食Page都介紹呢間裝修到咁靚嘅火鍋店，滿心歡喜3個星期前book位，點知…… book咗8點，朋友早到咗，諗住上去睇下可唔可以入去先，但因為張枱未埋單，所以都係要繼續等…… *服務*終於等到8點，帶位姐姐陸續嗌人入坐，嗌嗌下…帶位姐姐突然嗌「有冇3位嘅朋友？」，我地係3位，於是即刻衝出去，姐姐叫我地量體溫填紙仔先，然後帶咗另一組人入坐，佢帶完返嚟見我哋3個企咗喺度，好似失咗億咁問我哋「幾位？貴姓？」我哋話「頭先嗰3位」佢話「3位未有住」我哋話「下，頭先你嗌3位，然後仲叫我哋量體溫填紙仔先㗎喎」然後佢勁唔好語氣咁話「我頭先係嗌5位🙄」(exactly 係咁嘅眼神)跟住有位疑似經理級嘅姐姐見到，有禮貌地同我哋講聲唔好意思，麻煩我哋等多陣ok fine…我哋又餓又攰，都費事周圍去搵過第二間，所以繼續等…但係已經留下咗第一個壞印象囉 入到去，待應哥哥叫我哋落咗湯底先，我哋嗌咗個牛奶鍋併麻辣鍋……但…轉個頭待應哥哥返嚟話「因為啲雙併煲唔夠，所以冇雙併湯底」um…我哋打咗幾十年邊爐，都未見過有一間火鍋店係「唔夠煲用」😑ok…fine…咁麻煩比幾杯水嚟…點知原來水都要叫支裝水，15大洋一
book咗8點，朋友早到咗，諗住上去睇下可唔可以入去先，但因為張枱未埋單，所以都係要繼續等……
*服務*
終於等到8點，帶位姐姐陸續嗌人入坐，嗌嗌下…帶位姐姐突然嗌「有冇3位嘅朋友？」，我地係3位，於是即刻衝出去，姐姐叫我地量體溫填紙仔先，然後帶咗另一組人入坐，佢帶完返嚟見我哋3個企咗喺度，好似失咗億咁問我哋「幾位？貴姓？」
我哋話「頭先嗰3位」
佢話「3位未有住」
我哋話「下，頭先你嗌3位，然後仲叫我哋量體溫填紙仔先㗎喎」
然後佢勁唔好語氣咁話「我頭先係嗌5位🙄」(exactly 係咁嘅眼神)
跟住有位疑似經理級嘅姐姐見到，有禮貌地同我哋講聲唔好意思，麻煩我哋等多陣
ok fine…我哋又餓又攰，都費事周圍去搵過第二間，所以繼續等…
但係已經留下咗第一個壞印象囉
入到去，待應哥哥叫我哋落咗湯底先，我哋嗌咗個牛奶鍋併麻辣鍋……
但…轉個頭待應哥哥返嚟話「因為啲雙併煲唔夠，所以冇雙併湯底」
um…我哋打咗幾十年邊爐，都未見過有一間火鍋店係「唔夠煲用」😑
ok…fine…咁麻煩比幾杯水嚟…
點知原來水都要叫支裝水，15大洋一支…
其實諗住叫你比杯水嚟浸下筷子啫…又冇話飲😑
我哋未諗好點咩火鍋料，嗌住嘢飲先…
又係門口嗰位姐姐招呼我哋…
見餐牌有姜味汽水，問佢係邊隻牌子嘅姜味汽水，佢冇交待一聲就行咗去，真係O咀…
轉個頭佢返嚟同我哋講淨係得姜啤…
咩呀…都唔知佢講乜😒感覺佢唔多可靠，於是我哋搵個待應哥哥再問…待應哥哥即刻答到我哋係邊隻牌子嘅姜味汽水囉
*食物*
無聊地湯底被迫二揀一，最後我哋嗌咗麻辣湯底…
嘩…個湯底真係不得了…
打咗幾十年邊爐，都未食過一個咁似清湯嘅麻辣湯底，感覺好似雞粉水加幾滴辣椒油同幾粒花椒咁…
唯一可讚嘅係個安格斯肥牛唔錯，係幾好食嘅，其他都係普通嘢，冇乜特別
*環境*
裝修雖然靚，又有打卡位，但張檯係成座嗰啲邊爐枱，就算我哋坐嘅係卡位，都頂住雙腳，坐粒幾鐘好辛苦囉
*價錢*
廿蚊一位醬介，雖然間間都差唔多呢個價錢，
但茶水都冇杯，仲要想搵支牙檢撩下都冇…😑
*總結*
由未入坐開始已經感覺唔良好，仲要冇得要晒兩個湯底，隻腳又頂住坐得唔舒服喎，真係冇乜心機再食落去，嗱嗱淋食完去附近食返靚糖水冇咁嬲
10 views
0 likes
0 comments
Post
