吉野家 (Closed)

銅鑼灣吉野家前排裝修, 不嬲都大圍都中意去佢度平打邊爐, 一煲size剛好一個人份量, 奈何裝修後佢更旺場, 次次都冇位, 搞到好幾次都要轉場,食吾到。 琴日又去 ,終於幸運地有檯剛走, 如願以償咁比我地打到邊爐。三個人都揀左牛肉, 肉質過得去, 色澤鮮紅, 偏肥小小, 但煮左落湯度溶反D出泥, 所以OK。比起牛肉飯上的牛肉 ,有d偏肥美既感覺, 有肉味, 冇腥味, 幾吾錯咖。不過一鍋比漏左金菇, 兩鍋比漏左南瓜。南瓜夠粉, 白菜好甜, 好出乎意料, 因為佢咁平有予左會比咁好食既菜我地, 感覺上賺左。 但玉米就行貨D, 吾甜又乾。仲有原來想試龍蝦湯但冇曬 點知REFILL度有, 所以加湯時試左。不過基本上佢既湯底都係吾會搶味既。粉絲係偏韓國個種, 煮林左吸曬D湯,變左好粗好飽肚, 但又吾爛, 再點芝麻醬食, 係我最中意既食法。