鼎豐火鍋台式料理 (Closed)

繼今日下午同姨媽飲完下午茶之後，夜晚繼續我們嘅補祝生日活動，我們去咗天水圍嘉湖銀座嘅「鼎豐火鍋台式料理」食火鍋放題！湯底我們就揀咗豆乳湯底，味道好清香，可以食到所有食材原有嘅鮮味！極上美國牛肉嘅肉質好軟滑，脂肪分佈亦都好平均，但色澤就唔算好紅潤！豚肉嘅肉質好爽滑鬆軟，但肉味就唔係好濃郁！而外面設有嘅自助區域就擺放咗多款火鍋配料，款式種類都算多，有：醉鷄肉、丸類、菇類、蔬菜、麵類、炒飯同炒烏冬等等等等⋯⋯全部都處理得好乾淨衛生，當中我們最欣賞嘅係醉鷄肉，因肉質相當嫩滑，食落有陣陣芳香嘅酒香味慢慢滲透出嚟！至於甜品就自助乳酪雪糕機，呢樣係姨媽同媽咪嘅至愛，因味道好清香，而且好夠冰凍，再加埋擺放喺旁邊嘅配料，真係好正呀！