鼎豐火鍋台式料理 (Closed)

呢間嘢個賣點係$158+10%任食90分鐘。不過啲服務態度就極差，唔單止係咁，話說我對上嗰次去食，啲侍應生仲竟然早咗10分鐘黎收我枱 。佢地會提早半個鐘過黎叫您埋單，當我埋完單之後，仲有10分鐘先夠90分鐘，就有個侍應行埋黎我地張枱熄我地爐，將啲碗碗碟碟掉入個鍋度收枱⋯⋯但係當時佢地個場只係半滿，無人等枱，我真係諗唔明佢地點解會咁做，實在太過份。當日我無同佢地嘈，因為我只要下次唔再幫趁呢間嘢就得了。

親眼見到職員將埋左單既檯上的肥牛放番入雪櫃，有其他客叫肥牛就由同一雪櫃拎番出黎，循環再食...離晒譜🤯立即埋單走人，永不再食，擺左咁耐係檯面既肉，竟然可以再比其他人食，衛生情況不堪🤮

禁岩去開天水圍…睇到有優惠券…所以試下…點知去到話即買不能即用…而且現場既價錢都係108…跟本就無平過…由於太肚餓…唯有局食…仲要尼食多次😖無牛丸無紙巾供應……連比錢買都話無呀😖

去過呢間三次，三次都係同一個經理掃QR code,琴日已經打電話講咗用支付寶買券比，都係經理聽電話，今日去到食完嘢，我用支付寶比，竟然話返我轉頭，話我下次講聲，支付寶比要落單前講聲，咁我之前黎又唔講我知，我打電話問又唔話聲，我鬼知你公司點分咩支付寶同現金比咩，今日埋單先黎講，個收銀仲好串話你比我睇下係咪買咗券，啱數先啦，我夠知你支付寶比！我一直開住企喺度等你掃條碼啦！（等咗成十分鐘）個經理仲同個收銀一齊屈我冇打過電話問，我電話有哂記錄！原本對呢間嘢都一般，叫做平過大家樂，不過今次之後唔會再去！

之前媽媽同親戚試過平日晚上既2小時任飲任食火鍋之後，大家都對呢間餐廳讚不絕口，時常都再提起話想再食，今晚本小姐決定做下孝順女帶媽媽去食。我第一次黎，係星期五六日，所以得1.5小時任飲任食，唔緊要啦努力d默默食，少說話多吃東西應該都唔至於太過趕。飲品唔算好少但唔可以同放題果d咁樣比較，路線唔同。其實感覺形式好似牛x鍋，牛x果d，一坐低就有幾碟牛同豚肉，其他飲品，菜，丸，配料等就自己出去攞。最喜出望外係有雪糕食!!!!自己拉果d明唔明媽媽話仲有糖水，但我食到尾實在太飽，好滿足!!!!任食其實無得輸，用餐時間長d就好了座位算舒適

我是用支付寶在openrice購了五張coupon,每張108元。在火鍋店吃火鍋，付108元，根本不需任何要求，試想想，在快餐店吃那小鍋，也要七八十元，若加多一碟肥牛，分分鐘過百。別忘記，現在是任食肥牛，仼喝啤酒和黑啤，我們五人，人人吃過，都按住脹脹的肚皮，大叫抵吃！好吃！我們五人，有退休海逸酒店西餐大廚，也有專嚐牛扒美國華裔香港人，異口同聲都讚牛肉好味，不太肥，有牛肉味。可是到後期來的牛肉，變得淡而無味，跟住再來的，又好味了，原來他們的味質控制不好，時好時不好，因此，如讀者看過去品嚐牛肉，有機會吃到劣質的，就不要怪我們介紹錯了。除了牛肉，醉雞也是必吃的食物，有香噴噴的酒味，雞肉十分嫩滑。鯇魚也有人大讚好味，可是再取第二次來吃，魚肉居然霉了，不新鮮了！總括來說，以108元價錢來說，是值得再去的，誠意地說，即使沒優惠價錢，任吃牛肉和黑啤，也應試一試，因那牛肉好味的時候，真是回味無窮。

食物選擇少，品質差，番添食物要催幾次先等到，尤其果個魚滑呀…開到稀晒，落煲就散晒，失敗😠湯及自制飲品都係淡而無味，乳酪冇味之餘仲好似只係食冰咁，真係唔會再去食。好失望😡

有晚係openrice見到$108 二小時任食火鍋，真係超級平價，即刻買三張，第二晚同屋企人去食。場內火鍋配料一般多，又沒有招牌菜，不過火鍋正常應該有的都有，這個價錢抵啦！當晚的牛肉及豬肉refilled都快，第一轉最好食，其後的牛肉就麻麻地，反而豬肉片不錯！其他火鍋配料除左海鮮之類，可以隨便食，好似肉丸呀、蔬菜呀都係正正常常，但海鮮除左一陣雪味仲有沙，所以海鮮不建議大家食得多。食左1個鐘已經超級飽，最後來一杯乳酪雪糕就滿足了！

唔知點解一直都有鋪打邊爐癮。無論幾熱都好，都會冇啦啦想同朋友三五成群咁打下邊爐。今次就去左嘉湖銀座鼎豐火鍋。$158 加一任食，加$40仲可以試埋佢嘅雞煲，但今次人少少所以就冇加到。叫左個三文魚豆乳湯底，清清地都唔錯。蔬菜嘅種類都好多。依間啲豚肉片真心唔錯，牛肉就不過不失啦，以佢嘅價錢，性價比都高嫁啦。藉得一試。

食野，除左味道，衛生，價錢等，服務都非常重要，但呢2間野，免費我都唔會去，睇電話都知2間野其實同集團，下至知客，上至經理都寸寸貢，而且我地前日有訂台，有訂=無訂，訂台時接電話既係睇彩逸，但琴晚去到，我比埋電話既通話紀錄係22543322佢睇，但佢都話無我訂台資料，之後又掉個波比隔黎，話我應該訂左隔黎，到我過隔黎，隔黎個知客又話無哂台，訂左台都要係門口重新walk in排，重點係，你2間野電話一樣，接電話既又係彩逸，試問客人點知你幫人卜左既係叫鼎豐呢?而過到鼎豐又話無台，要重新walk in排，呢個訂台程序又係咩玩法呢（同場加映：就以上事件，我地梗嘈左陣啦，亦搵左經理出黎了解啦，但經理竟然講左句，鬧完未，我出黎比你鬧完我先開始做野，原來佢既職責貢特別，返工係主要比人x既）

繼今日下午同姨媽飲完下午茶之後，夜晚繼續我們嘅補祝生日活動，我們去咗天水圍嘉湖銀座嘅「鼎豐火鍋台式料理」食火鍋放題！湯底我們就揀咗豆乳湯底，味道好清香，可以食到所有食材原有嘅鮮味！極上美國牛肉嘅肉質好軟滑，脂肪分佈亦都好平均，但色澤就唔算好紅潤！豚肉嘅肉質好爽滑鬆軟，但肉味就唔係好濃郁！而外面設有嘅自助區域就擺放咗多款火鍋配料，款式種類都算多，有：醉鷄肉、丸類、菇類、蔬菜、麵類、炒飯同炒烏冬等等等等⋯⋯全部都處理得好乾淨衛生，當中我們最欣賞嘅係醉鷄肉，因肉質相當嫩滑，食落有陣陣芳香嘅酒香味慢慢滲透出嚟！至於甜品就自助乳酪雪糕機，呢樣係姨媽同媽咪嘅至愛，因味道好清香，而且好夠冰凍，再加埋擺放喺旁邊嘅配料，真係好正呀！

講真 係附近住 想打邊爐任食 我諗依間係一個好既選擇 價錢唔算太貴 食物不過不失 可以接受，今晚都食左幾多野牛肉 （任食）叫左5次 食次食喲牛肉幾好 唔會太肥 又有牛肉既香味豬肉（一坐坐低送黎果碟 叫佢收走冇收 唯有食）勁勁勁肥 喲肥既部分仲多過肉 我食一舊 即反胃想嘔（我唔食得太肥既野 唔係會反胃 唔知你地會唔會） 之後我食都冇食過 依家諗起都想嘔 仲要整到湯底勁「so」講起湯底 佢得二款 蕃茄/三文魚金菇、雞脾菇、冬菇 正正常常冇特別 但個冬菇食落好食呀蘿蔔 本身係甜既好食 唯一有缺點係吾知點解仲有層皮 食開嗰喲都係批曬皮架 層皮咬開 冇食山根 「6」落少少 入左咪好好食其他食物唔一一講啦 因為冇話特別好食/難食 京食果到多左個炒蟹 我冇食呀 所以比唔到評論乳酪雪糕 今次既真係乳酪雪糕 食左三次 好好食 夠凍又夠味 唔加配料都好食 會再食可能係因為個雪糕 哈哈（以上係個人意見）

一分價錢一份貨平平地係唔錯既選擇，野食有丸有牛肉豬肉任食，飲品有好多，啤酒汽水菊花茶好多都有。雪糕反而令人失望，今晚部雪糕機唔多work,雪糕好難食。但整體邊爐食物幾好食，湯底幾濃，番茄湯底好味。158蚊加一係咁上下質素！除左牛肉同雪糕麻麻之外，其他配料同一般日式打邊爐店差唔多，仲有熟食選擇。不過不失！服務態度一般，有職員掛住睇電視，不過有個女職員好勤力！值得讚賞！

再試一次 只有二款湯底（蕃茄/三文魚）+雞煲後打邊爐 我地選擇左左蕃茄 牛肉好大塊 食完再叫好快就拎比你 丸有貢丸 龍蝦丸 蟹子丸 芝士腸 芝心丸等等（我都係食左依d丸 冇特別 但丸入面好似未溶雪咁 因為就算滖左丸好耐先夾黎食都只係熱熱地）菜有 菜心 通菜 （只食左依二款加蘿白 蘿白好甜 ）菇有 雞脾菇 金菇 冬菇 （都係平時既味 冇特別）年糕 食得最多 但都係未溶雪咁 不過整好之後食 好食 見冇乜湯又會幫我地加湯 除左有丸 有蔬菜 仲有少少熟食 例如雞翼 炒烏冬 炒飯 不過我冇食 好似仲有湯 唔肯定仲有雪糕 部雪糕機寫乳酪雪糕 食落唔係係普通牛奶味同哈密瓜味雪糕 失望明明上次都係乳酪雪糕 仲有飲品 有二個櫃 仲有汽水機 沙冰 選擇都唔少 晚餐158加一 會再去（以上係個人意見）

個FD話見到有間晚市平食火鍋想約我去試，走左去鼎豐火鍋台式料理到食埋先返屋企，因為晏入座，所以價錢都超抵，但就有限時，不過個半鐘乜都夠晒! 呢度係自助式自己夾食物，所以我地都係每樣夾少少試下先，好食再反兜，呢度邊爐食物款式唔算多，但食物種類都ok，又有甜品，糕點，仲有飯，同麵!一黎即夾肥牛，都唔錯肥瘦比例適中，又有牛味! 湯底清清地，甜甜地岩晒打邊爐! 魚皮炸得都幾脆卜卜，鹹鹹地! 黑蚊蚊既墨汁丸唔係個個鍾意食，但呢度既墨汁丸都唔錯好彈牙同墨汁味都幾濃烈! 其他丸類都不過不失，一樣好彈牙爽口! 好彩我最愛既生根呢度都有，拾兩下就食得! 蔬菜都洗得好乾淨，我地夾左d金菇，都幾新鮮好味!飲埋汽水，已經飽晒!