瀛豐放題料理專門店

每年都會有一兩次嘅放題日，呢間𤅀豐由佢一開業我已經有嚟幫襯，到而家裝修完，都會間中嚟下，佢嘅特色就係由日本嘢到泰國嘢都有得食，可以滿足晒想食刺身同想食吓熱嘢嘅朋友仔🤓我哋升咗級有海鮮拼盤刺身任食，入面嘅三文魚腩非常之出色，仲有鮑魚、長腳蟹等等，然後佢另外有一碟係海膽帶子， 鮮甜味一流，今次一坐低佢仲有燉湯，燉湯足料又甜又好味😋 暖下個胃先！我哋會話呢間係有個俾日式放題耽誤咗嘅中餐廚師，因為佢嘅辣椒膏炒蜆極度出色，係隔籬枱食，然後我哋聞到浸香味再嗌，真係食得出有鑊氣，同埋佢個味道調得好好，另外仲有一款叫做美極大蝦，嗰種味極味令人非常之懷念，已經唔係好多地方會用美極去炒一啲嘅餸菜，撈飯一流，我一次過食咗三隻，仲有佢嘅飛天通菜又係好出色，雖然你去放題店走去食中菜好似有啲怪怪地，但係佢又真係煮得好好食🤤另一個特色就係佢嘅燒嘢食、或者係副產品都會係預期之外，例如佢個泰式豬頸肉又係燒到油炭燒味得來係好Juice，佢嘅燒菠蘿熱辣辣得嚟保留左入面嘅菠蘿汁，佢嘅泡芙同木糠布甸都好出色，係咪好奇怪呢🤣 作為一間放題店，佢嘅副產品係會令人驚艷，所以呢間係我間唔時都會嚟嘅店😆 （有一期佢係食大閘蟹令人驚艷）