Video
Read full review
2021-05-14
485 views
今日本身想去元朗二悅食牛肉麵，但原來星期四放假，就唯有係附近搵其他野食。記得有日個friend 講過附近有間拉麵唔錯，就搵到Aya。入到去，裝修同員工制服已經比到一種真正日本既店鋪觀感，員工統一格仔襯衫，全部帶帽，店面有種簡單而實用既感覺。一上坐，有冰水供應，雖然未至於好似日本拉麵店咁凍，但已經感覺真係日本人經營，因為日本有冰水供應係基本禮貌。望餐牌，清一色拉麵，唔似其他拉麵店為迎合一般香港人咩都叫D既叫法。我一般第一次去新餐廳都鐘意叫最basic 既野，因為gimmick 野通常都講運數，未必顯示到一間店鋪既實力。但見到個特別多蔥既version我都忍唔到手。最後叫左個多蔥既豬骨湯小麥麵，同一支柚子梳打。無耐野食來到，飲淡汽水，唔錯，但因為真係有D似韓國個柚子茶，相比起來加22蚊，其實建議要我一直飲開既青提汽水更好。到野食，個麵係粗麵，比起最近香港好多裡面店既幼麵我比價鐘意粗麵。咬口好彈牙，唔鞋，其實真係我食過既拉麵來講好上乘，口感非常好。唯一硬要講就如果小麥味再強少少更好。湯，其實同一般食開既沾麵好唔同，第一就係清好多，第一個感覺似湯麵多D。因為一般外面食沾麵個湯其實似汁多D，其實
入到去，裝修同員工制服已經比到一種真正日本既店鋪觀感，員工統一格仔襯衫，全部帶帽，店面有種簡單而實用既感覺。
一上坐，有冰水供應，雖然未至於好似日本拉麵店咁凍，但已經感覺真係日本人經營，因為日本有冰水供應係基本禮貌。
望餐牌，清一色拉麵，唔似其他拉麵店為迎合一般香港人咩都叫D既叫法。
我一般第一次去新餐廳都鐘意叫最basic 既野，因為gimmick 野通常都講運數，未必顯示到一間店鋪既實力。但見到個特別多蔥既version我都忍唔到手。最後叫左個多蔥既豬骨湯小麥麵，同一支柚子梳打。
無耐野食來到，飲淡汽水，唔錯，但因為真係有D似韓國個柚子茶，相比起來加22蚊，其實建議要我一直飲開既青提汽水更好。
到野食，個麵係粗麵，比起最近香港好多裡面店既幼麵我比價鐘意粗麵。咬口好彈牙，唔鞋，其實真係我食過既拉麵來講好上乘，口感非常好。唯一硬要講就如果小麥味再強少少更好。
湯，其實同一般食開既沾麵好唔同，第一就係清好多，第一個感覺似湯麵多D。因為一般外面食沾麵個湯其實似汁多D，其實係難以飲用既地步。但其實呢個湯味道一D都唔差，有層次感，唔似外面一味靠濃。呢度既湯底其實有D似清湯，唔癡牙，但建議食法就比麵留係湯入面耐少少先食，如果唔係就未必夠味。
個溏心蛋，味道濃郁唔太鹹，蛋黃粘性高會留係口內比較耐，蛋白部分比較軟身，唔似其他地方食個蛋白咁彈，可能因為其他地方都整完雪起待用。
叉燒比較瘦身，無咁多肥肉，少D油脂味但肉味較出，亦無某D店燒既焦香味，覺得視乎個人喜好，我自己就覺得唔錯，但可以再大塊D我唔介意比多D錢。
蔥真係幾多下，食落幾fresh有爽脆感，有少少生蔥既辣味。
總結: 我其實係幾滿意，但確實亦都覺得未必個個人都鐘意呢種比較清甜既湯底，又或者有D想食濃郁沾面既人未必適合，但可能其他口味可以滿足到，下次可以試試。
Post