煮打菜打冷小菜館 (Closed)

有陣時後得兩個人，收咗工又好攰，返到屋企都唔想煮飯，甚至連沖個面都懶呀，咁呢個時候又唔想食杯面喎，咁有啲咩辦法呢？就係搵一間飯堂可以近近地去食，又唔會太貴，又好好食，咁就啱晒我嘅心意啦。啫啫通菜煲--啫啫呢個詞語係一個煮法，我相信大家都知，甘呢個煮法除咗煮雞煲之外，仲煮乜嘢好食呢？答案就係通菜喇。呢個通菜十分惹味，仲加左好多材料，例如蝦乾肉，乾蔥頭，肉碎落去一齊煮，食落去份外香口，而且材料十足。滷水鵝拼盤--潮州嘅打冷拼盤除咗滷水鵝係必食之外，仲有生腸，豬頭皮，雞蛋，豆腐等等。而我最鍾意食嘅就係鵝片同埋生腸。鵝片會嚟起埋骨，淡淡肉，食起好方便，又入味。生腸煮起外面除咗有滷水嘅香氣之外，咬落去仲好爽口，另外再配埋佢潮州特色嘅辣椒醋，吊起唒d滷水味。銀魚蒸肉餅--原來銀魚餅係呢一間餐廳嘅得奬作品，所以我就要試一試佢嘅真偽，呢個肉餅係用籠蒸，肉下面就放左荷葉，令到肉餅可以嘅吸收埋荷葉嘅清香。亮點係肉餅上面嘅銀魚，銀魚預先炸起，放上肉餅上面，銀魚炸得金黃，口感脆身。一啖脆嘅銀魚，一啖彈牙肉餅，直情有雙重口感。呢間餐館除咗小菜之外，仲會有啲潮州打冷，有陣時諗起想食嘅時候，都係一個唔錯嘅選擇。呢度