🐟 西京燒比目魚定食 $104
比目魚燒到外皮香脆，魚肉嫩滑，入口鮮甜帶住焦香，配上味噌嘅鹹香真係超級好送飯 🍚 加配嘅貓飯用上木魚碎、牛油同海苔，香氣撲鼻，混埋飯食一流。
🥩 香煎和牛漢堡扒定食 $104
和牛漢堡肉味超濃郁，表面煎到微焦，鎖住肉汁；配上大量新鮮椰菜，爽脆清新，食落更有平衡感。意外驚喜係仲有兩塊脆卜卜薯餅 🍟，香口滿分。咖喱香濃夠味，份量非常足，加配茶漬飯更加滿足。
🍋檸檬柚子雞翼 $46
柚子蜜同檸檬清新解膩，雞翼幾嫩滑，唔錯嘅小食！
稚真係元朗嘅街坊寶藏餐廳，每次嚟都食得好開心。唔論係西京燒定和牛漢堡扒，都見到店家用心。以後有朋友入嚟元朗，必定會再帶佢哋嚟試！
