劉森記麵家 (褔榮街)

Open Now

Now Closed

去過深水埗好多次，行過劉森記成日見好多人，知道都出名但總有其他野想食所以一直未食過。呢一日經過心血來潮就入去食下出名的竹昇麵！本身想叫黑柏葉，點知6點已經無唒，是但叫左個水餃蝦子撈。劉森記有名的竹昇麵，竹昇麵爽口又彈牙，煮的時間剛剛好！讚！加上蝦子撈埋，每粒都均衡痴在麵條上。帶有少少咸香，不錯！不過最失望的是，水餃只得兩隻，真係太少，唔夠食。但好在勝在多料同大隻，入面食到啖啖的雲耳同蝦肉。下次早點黎食黑柏葉先！