新成記粉麵茶餐廳 (Closed)

現今的港式粉麵店愈來愈少，這天想食一碗地道一點的粉麵，來到旺角站與旺角東站之間、開了很多年的新成記，位置在大街也很容易找到。牛腩河($33)很快就上菜，碗不算很大但裡面的料很足。雖然湯底顏色很深，但是味道沒有想像中的那麼濃；而牛腩的味道突出，濃郁不難咬牛味幾重，連著一些肥肉，件數都有五、六件是算多的。這店的河粉偏幼身，質地較爽不覺粉，即使食到底也不怎麼發大，不過就沒有特別吸收湯底和牛腩的味道。食潮式粉麵必加的就是潮式辣椒醬。這裡的辣椒醬底炒的很香、有層次，也不會太辣，反而是著重帶出那麼辣椒香；喜歡辣或者香氣的不妨試試。樓面是一位年輕的女仔在工作，斯文有禮，一改一般地道食店的服務風格。倘若下次想食潮式粉麵，經過附近也可試試

今天心情很挫敗，感覺很鬱悶，以為在跳完funky dance，心情會好一些，但沒有，這一堂課是我有史以來最沒衝勁的一堂。正在後悔沒有答應朋友晚上喝酒吃飯，往巴士站的方向看到這一間粉麵店還開，漂來香噴噴的牛腩味道，作為一個死肥妹，我終於找到了令我心情好的東西。死就死吧，進店立刻二話不說叫了一碗牛腩米粉。不動5分鐘，熱騰騰的牛腩米粉端上來。很久沒有看到的肥瘦均勻、七大片的牛腩滿滿排在米粉上，妙一眼賬單，才$35 ，天哪，好低！喝一口湯底，不差，在吃一口牛腩，也不錯，當然不要期待好重牛味，但已經可以好好的安撫我的心靈和胃。吃到最後兩件是比較多脂肪，本來還在猶豫要不要把這些脂肪加在自己身體上面，但最後還是吃了，肥就肥吧！一口咬下去，正！牛脂肪味道很香濃，怪不得很多懂吃的人那麼喜歡吃半肥瘦，我要與脂肪永遠同在，阿們！

唔知大家有無印象 細細個覺得街上既麵檔一定係多過金鋪🤣旺角東火車站行落嚟..每次都會經過依間新成記聞到好香既味道 亦都好有回憶之前買過佢雲吞黎食係唔好食既 雲吞個肉比較梅....今次買返佢香味既來源😂牛蘿蔔牛腩 （$50）炆到好淋好入口 ～ 我買過幾次..但一時好瘦 一時就好肥..肥到半舊都係肥膏 如果你地有特定食肥瘦 可以同佢講蘿蔔牛筋 （$50）牛筋淋但裡面都仲有爽口既感覺.. 入味既 但食到最後會覺得有d咸腐乳通菜 （$15）通菜黃左好淋.. 我外賣返屋企路程唔超過10分鐘..食果陣口感好梅吖... 可能我預期個通菜係爽口...所以我就麻麻地 但$15 份量係多唔算貴腐乳唔係滑身既 係有d豆腐渣咁 味道唔會過咸

好耐冇食過湯粉麵啦，同朋友係附近行下肚餓就入黎食，首先係比佢好香既牛腩麵味吸引左入黎，地方都算乾淨企理，係普通粉麵店舖既格局，侍應落單到上菜都好快手，朋友叫左個金牌牛雜魚麵，我就叫左牛肚粗麵，湯底味道十分濃郁，我同朋友都話好好飲，雖然好飲但味精應該幾重，因為飲完都幾口渴，牛肚非常稔，夠曬入味而且吸左啲湯好juicy. 有成6舊牛肚都幾大件，至於粗麵一定要讚！唔知係唔係手打但蛋味好濃，好爽口同大條兼闊條，叫我食齋麵加湯底都夠曬！都只係盛惠32蚊！

夜晚打完波好肚餓，就求其入咗間粉麵舖度食嘢， 又估唔到有新發現。 呢間粉麵舖嘅抵食粉麵套餐， 又真係名副其實好抵食， 42蚊碗粉麵仲送埋菜同埋嘢飲。嗌咗牛雜米、菜心同埋熱奶茶。牛雜米個麵底較小，但勝在牛雜分量夠多。菜心 亦都唔錯，值得一試。

基本上行過旺角東火車橋附近一定聞過呢陣牛腩味之前食過都覺得唔錯 所以今日再去食平時唔係太多地方有得食魚麵呢度見到有而且唔係好貴所以就叫左黎試個麵質唔會好多粉 都幾香魚味牛腩比起之前冇咁好食 有啲鞋上次食就林身得多但果少少脂肪食落好香口入味冇辦法 咁大舊牛腩總有啲位好食啲辣椒牛丸就較普通只係食到牛丸入面有少少辣椒做唔到成粒牛丸都有辣味既效果而且唔算好彈牙如果下次會試其他但有啲意外係一般粉麵舖最多送餐飲/油菜呢度可以選擇炸魚皮但就係普通炸魚皮不過不失15蚊一碗蘿蔔都幾抵食阿姐送到黎我都不禁講左句”嘩咁大碗既”目測都有半條白蘿蔔但比較可惜既係蘿蔔有渣而且冇味本身比較期待蘿蔔索曬啲腩汁應該只係白烚既蘿蔔不過15蚊就算啦 都唔應該期望過高

.牛雜腩汁魚麵 $35.星期二對小編嚟講絕對係最難捱嘅一日，由8半直落三堂到5半無break放，無計啦，想多Day Off係有啲代價，咪唯有回味下食物嘅遺照。.呢間好耐之前都有介紹過，最乞人憎係揾個抽油煙機將廚房嘅香味抽出嚟，搞到每次都唔夠定力入左去，不過近年又加價又加味精，已經食唔返以前隻味啦。.新成記粉麵茶餐廳 (旺角)旺角亞皆老街78號地下

Had the pig intestines noodles. They were excellent.Before the order came I made a mess when I fell off my chair knocking over the table and violated the shrine.They were very understanding and I helped them clean up.It doesn't look the best but good food to be had and kind service.

喺旺角東地鐵站行5分鐘左右就會至呢間茶餐廳好典型咁有個玻璃廚房比你睇到佢做緊乜入到去地方都算寬敞我食嗰陣已經夜晚10點左右所以少啲人叫左一碗麻辣牛腩麵，佢辣嘅程度超乎我所想，都有d辣架！不過好好食，嗰種辣嘅味又唔會搶咗牛腩汁嘅味道，麵條爽口，牛腩脂肪唔會太多，又唔會太韌仲叫左一碟腸粉 $12 ，因為此乃餐廳推介菜式之一。一黎到果然不失我所望，好滑，同埋應該係手拉嘅腸粉，而且啲醬又好好食，好彩全部醬嘅味道都唔奇怪！我下次黎都會再食腸粉，因為真係好好食！

今日下午我們去咗旺角亞皆老街嘅「新成記粉麵茶餐廳」食下午茶！我們叫咗牛筋麵嘅牛筋好軟滑彈牙，味道相當入味，麵質好爽口彈牙！牛丸粗麵嘅牛丸都幾大粒同彈牙，但味道比較鹹同肉質比較霉，唔係好新鮮，粗麵嘅麵質好爽滑彈牙！雲吞米粉嘅雲吞皮都算薄身，豬肉嘅份量比蝦肉仲要多，蝦肉都幾彈牙，但豬肉嘅肉質就極之「粗嚡」，感覺唔係好新鮮！

其實每次去呢間餐廳，幾乎次次都叫呢個餐食。一叫完餐，不到5分鐘，已經有得食，都好快手。麻辣牛腩麵 麵沒有鹼水味，很爽口，牛腩炆得好腍同入味。 其實食到最底，個麵都係無腍到，仍然爽口，而且份量不少的，真係值得再光顧! 再叫埋凍檸茶少冰! 腐乳通菜其實去到茶餐廳，好怕D菜烚到又黃又腍。意料之外，煮得好鮮嫩、爽口。簡簡單單，咁就一餐。

每次行過都聞到芳香非常，已被深深吸引，印象深刻。恰巧今晚有時間，係老遠都尊程步行返轉頭搵新成記。抬頭望望牆上面既 menu，真係種類煩多喎！花多眼亂，貪吃的人麻煩了，樣樣都想試，唯有合埋雙眼，由基本開始啦！索一索，係您喇！香甜氣息極濃，聞落好香喎，精神為之一振！魔法一樣，將身體不由自主地衝黎幫襯。淺嚐兩口湯底，味道又會咁淡既？有點似老火湯加左水再滾既感覺，強差人意，失望。金錢牛肚爽爽彈彈，滷水味清淡。牛膀棉棉好吸湯，滿意既味道。其他配料都平平，中規中矩無特別。伊麵就煮得出色，嚥韌彈牙有趙口，保留微弱蛋香。牛雜伊麵走蔥，自家辣椒油，落點豉油大大啖掛上伊麵，香而不辣，油味偏重，真係無咩味呢。仲諗住見碗麵咁淡，落辣椒油救救添，失救了！整體合格既，普通一個牛雜伊麵。上湯白蘿蔔，面頭幾件又腍又甜又多汁，好正！隨後發現蘿蔔頭無切走，好多渣呢！唔洗咁慳架麻，都要保持質數先得架。好明顯係整條蘿蔔浸滷水，有 order 先切開喎，雖然蘿蔔無咁易過腍易爛，但無法浸得透徹入味呢。淺啡色表面香甜可口，裡白白雪雪純天然蘿蔔原味。

呢間麵鋪係男朋友細個睇醫生必食外表唔太出眾但老闆好賤格😂將個廚房抽氣扇對出街等啲人行過會有好大衝動入去男朋友就係其中一個永遠行過都會覺得好香好吸引雖然呢碗魚麵真係好普通但係人情味嘅嘢係無價魚麵用麵筋同埋魚肉打成比其他一般嘅麵更加特別男朋友每次都會叫㗎不過人情味嘅嘢都越嚟越貴比最初食嘅時候貴左十蚊😭老闆話鋪租貴無計唯有經過支持吓

朝早食個公仔麵後就出去做嘢，做到下午先記得食嘢！真喺超肚餓！見附近有間好似幾簡陋嘅粉麵舖，為醫肚真喺要食咗先講！食港式粉麵，總喺覺得有啲污糟先好食！果然完全附合預期冇失望！ 一坐低姐姐就介紹佢哋主打的牛雜麵， 心諗服務都幾好喎！但我想試吓火辣牛丸， 竟然姐姐話好呀，加五蚊你試吓，咁就轉個頭走去廚房講：靚仔想試吓牛丸，俾兩粒佢試吓！仲喺未諗清楚嘅情況之下，姐姐就攞咗《牛雜火辣牛丸粗麵》過嚟！其實牛雜麵煮得好食，固然有啲難度，但欣賞喺當中嘅牛筋，又滑又彈牙，啱哂我依啲麻甩佬！但最驚喜喺火辣牛丸，我估落咗啲紫天椒去打牛丸，食落有除辣味之外，仲有陣四川麻辣嘅味道！真喺幾特別！而且彈牙有口感，唔知可唔可以打乒乓呢？其實旺角區粉麵舖真喺就街都有，但有自己主打特色嘅，真喺幾難得！不過40蚊真喺貴咗少少囉！

細細個到而家都成日經過呢間粉麵店, 從來都無入去既衝動, 今次咁o岩超肚餓就入左去試下....叫左個紫菜牛筋河, 湯底有濃濃既腩汁味, 牛筋炆到好淋好入味, 河粉又夠滑, 絕對有一般老店既水準....但食辣既我, 卻被呢個辣椒油破壞唔少, 唔香仲要有少少"抑" 味, 好彩加左好少咋, 真係唔加好過加...另外呢度既炸魚皮都幾好食, 炸得好脆又唔硬, 食河粉之餘加返個炸魚皮絕對係一大享受