不過，行到條街尾口乾舌燥之際，俾我撞到間老字號涼茶舖——**華神館涼茶**。
無乜華麗裝修，但見到門口幾個街坊等緊涼茶，已經覺得有啲嘢。
老闆話佢做咗**涼茶38年**，啲飲品全部都係自己煲、**無添加、無加工**，真材實料。佢話：「唔求賺大錢，但最緊要落得口嘅嘢，自己都會飲。」一句講晒👨🏻🍳
我嗰日外賣咗三樣：
🥄 **凍龜苓膏（$35）**：夠凍！滑溜唔苦，係微甘嗰種，啱晒我呢啲平時唔太敢食苦嘢嘅人。**仲發現：逢星期四、五，龜苓膏只賣$18！**超抵到震！
🧴 **火蔴仁飲（細樽 $23）**：意外地易入口，無想像中咁涼得辛苦，味道香潤，飲完成個人清醒返晒～
🥚 **茶葉蛋（$5）**：冇乜好解釋，純粹滷得好食，蛋香滲晒入去，行街途中小小滿足。
其實我都唔係成日飲涼茶，但有時試下傳統口味，反而感覺實在。
一杯涼茶、一碗龜苓膏，係熱到癲癲地嘅午後，一種唔急唔躁嘅休息方式。
🧊 下次經過筲箕灣，唔好只諗住去掃街，可以考慮轉個彎，飲杯真材實料、用心煲出嚟嘅涼茶，對身體都好啲～
