JK Brother’s (Closed)

朋友book左今晚食放題，跟住個地址都好易搵到。本身無咩期望，放題食黎食去咪又係嗰啲。嘟左個code就可以用電話自己落單，睇一睇有好多野一般嘅放題店都無，即刻醒神哂！當中最特別就係活章魚刺身，上到枱仲郁下郁下，吸住個碗好難夾起，香港真係好少有！男友人仲食左兩碟添。另外仲有水冷麵都好特別，原本以為好大碗，原來係細細碗咁樣，仲有溫泉蛋，口感好滑，個麵都唔錯！值得一提係飲品好多樣化，港式韓式都有！最後就必食甜品！睇個雪櫃以為自己去左韓國便利店，竟然有雪糕三文治，仲有好多未見過嘅雪條，正呀~