Video
Read full review
2017-11-28
942 views
先前已經去過尖沙咀既姊妹店, 對佢既招牌海鮮袋念念不忘, 得知呢間以蟹做主題既, 人地食大閘蟹, 我地就去食外國蟹一上到佢已經被佢呢缸海鮮缸吸引住, 保證食材新鮮之後佢隔離呢個"最佳影相"位, 一大個餐廳品牌Logo - Mr. Crab已經歡迎每位客人餐廳燈光柔和, 特設以類似船艙作為卡位, 坐得相當舒服枱上已放置餐牌, 食物種類包括頭盤, 沙律, 餐湯, 意粉類, 肉類, 特色蟹類菜式先黎頭盤焗芝士海鮮蟹蓋 ($128), 內裏釀入魷魚, 蝦, 蟹肉及乾䓤碎等, 以蛋黃醬撈均再係外面灑上芝士碎, 然後去焗至金黃色! 熱辣辣入口首先食到脆口芝士, 然後入面就有軟滑海鮮粒, 一絲絲鮮甜蟹肉盡入口腔內, 滿足指數向上!呢度既招牌菜"海鮮袋"㨂選最少3款海鮮, 再係三款醬汁入面選一款每枱預備好食海工具, 膠手套及圍裙, I'm ready...................go!黎得呢度, 點可以唔試蟹呢?! 侍應推介麵包蟹, 每隻重量介乎800g- 1000g ($438), 打開膠袋後, 已經見到橙色蟹膏向我招手, 先食蟹蓋, 裏面既蟹膏真係唔講得笑, 口層似食緊咸蛋黃但亦夾雜住
一上到佢已經被佢呢缸海鮮缸吸引住, 保證食材新鮮
之後佢隔離呢個"最佳影相"位, 一大個餐廳品牌Logo - Mr. Crab已經歡迎每位客人
餐廳燈光柔和, 特設以類似船艙作為卡位, 坐得相當舒服
枱上已放置餐牌, 食物種類包括頭盤, 沙律, 餐湯, 意粉類, 肉類, 特色蟹類菜式
先黎頭盤焗芝士海鮮蟹蓋 ($128), 內裏釀入魷魚, 蝦, 蟹肉及乾䓤碎等, 以蛋黃醬撈均再係外面灑上芝士碎, 然後去焗至金黃色! 熱辣辣入口首先食到脆口芝士, 然後入面就有軟滑海鮮粒, 一絲絲鮮甜蟹肉盡入口腔內, 滿足指數向上!
焗芝士海鮮蟹蓋
17 views
0 likes
0 comments
呢度既招牌菜"海鮮袋"㨂選最少3款海鮮, 再係三款醬汁入面選一款
每枱預備好食海工具, 膠手套及圍裙, I'm ready...................go!
黎得呢度, 點可以唔試蟹呢?! 侍應推介麵包蟹, 每隻重量介乎800g- 1000g ($438), 打開膠袋後, 已經見到橙色蟹膏向我招手, 先食蟹蓋, 裏面既蟹膏真係唔講得笑, 口層似食緊咸蛋黃但亦夾雜住creamy感, 用匙更"不"仲方便! 另外到佢既"爸D", 結實又鮮甜既蟹肉, 就咁食會食到鮮甜味, 點少少汁又惹味, 再加埋D蟹膏, 膽固醇呢3個字係我腦海中閃現, 但味覺享受好快已經推翻左佢.......................哈哈....................
另外2款點了黎自越南既蕃薯蜆 ($108), 肉大而味甜, 一粒沙都食唔到; 翡翠螺 ($98) 爽口彈牙, 配埋醬汁都幾好味, 兩者口感一軟一爽口, 平均晒!
15 views
0 likes
0 comments
點左呢款新奧爾良卡彊醬汁, 味道惹味得黎帶點辣(辣度可選高中低), 袋內仲有其他配料如香腸, 粟米及薯仔, 典型美國式配菜, 增加飽肚感!
11 views
1 likes
0 comments
食到咁惹味又有少少辣, 叫杯MOCKTAIL飲下, 呢杯PEACH ON THE BEACH係呢度都好受歡迎, 以桃作主調, 味道香甜可口, 中和一下都唔錯喎!
PEACH ON THE BEACH
11 views
0 likes
0 comments
要鮮就要鮮到底, 點左呢個加洲海膽扁意大利粉 ($268), 侍應透路今晚選用既係比較少見既墨西哥海膽，每片比較長身一絲絲的纖維清晰可見，食落冇腥味，鮮甜突出唔糊口，海膽味愈嗒愈出，拍得住日本貨喎。
加洲海膽扁意大利粉
14 views
0 likes
0 comments
仲有鮮橙色三文魚子粒, 配埋香滑白汁煮既扁意大利粉, 除左增加賣相外, 佢既咸香味道亦能提昇味道既層次!
呢度亦有甜品供應, 款式唔算多, 開初諗住當有D甜野食, 無咩大期望, 但世事既野..............往往係超越你想像
呢客三式雪糕窩夫 ($128), 除左擺盤靚仔吸睛外, 都好有內涵, 首先窩夫係自家製, 口感外脆內軟, 食起上黎唔會有泡打粉既"澀"味; 三球雪糕香甜幼滑, 食得出唔係一般平價貨色! 週圍伴以雜莓點綴, 另一亮點係其雪糕上既士多啤梨片, 每片切到相當薄, 師傅刀功可見一班, 亦顯出佢對每款出品既誠意!
三式雪糕窩夫
6 views
0 likes
0 comments
呢度既侍應反應夠快, 換碟加水都無需客人開聲, 對於每款菜式都作有禮介紹, 價錢雖然唔算便宜, 但呢餐食得開心滿足! 抵返............
Post
