Video
Read full review
2020-12-05
163 views
今日嚟灣仔行街，回程時打算去食碗麵才歸家。喺莊士敦道看見這家新開拌麵店，睇過門口嘅餐牌，原來除了麵食外，還有雲吞、水餃等供應，反正未幫襯過，一於試下。餐廳的面積不算很大，不過座位擺放得頗整齊企理，絕不密麻，加上來到時並非繁忙時間，店內食客不多，感覺特別舒服。先睇下餐牌，食物選項都幾豐富，有招牌湯品、純手工拌麵、純手工湯麵、小食、雲吞、水餃及手搖飲品等。餐廳主打手工拌麵，一場嚟到，當然要試下。揀咗個鎮店蟹皇拌麵，另外再加咗客醉豬手、小雲吞、水餃同飲品。鎮店蟹皇拌麵 ($98) 率先送上，蟹皇汁和陽春麵各自分開盛載，醬汁色澤橙黃，滿滿一碗，分量甚多，撈起可以清楚見到裡面有一絲絲蟹肉，真材實料，真係未食都已經流曬口水。把蟹皇汁和麵條拌勻，入口蟹味滿溢，配埋彈牙掛汁嘅麵條和蟹醋吃，簡直香氣撲鼻。秘製香糟醉豬手 ($55)，平時比較少食醉豬手，不過呢度真係做得很不錯。豬手皮爽肉嫩，零油膩感，糟鹵味道有層次，唔單止帶複雜悠長的酒香和鹹香，而且香料的精華都滲進豬手內，入口啖啖骨膠原。高湯小雲吞 ($40) 話就話係小雲吞，但原來 Size 一點也不細小，而且一客有成 10 粒，分量十足。雲吞外皮
今日嚟灣仔行街，回程時打算去食碗麵才歸家。喺莊士敦道看見這家新開拌麵店，睇過門口嘅餐牌，原來除了麵食外，還有雲吞、水餃等供應，反正未幫襯過，一於試下。
餐廳的面積不算很大，不過座位擺放得頗整齊企理，絕不密麻，加上來到時並非繁忙時間，店內食客不多，感覺特別舒服。
先睇下餐牌，食物選項都幾豐富，有招牌湯品、純手工拌麵、純手工湯麵、小食、雲吞、水餃及手搖飲品等。
餐廳主打手工拌麵，一場嚟到，當然要試下。揀咗個鎮店蟹皇拌麵，另外再加咗客醉豬手、小雲吞、水餃同飲品。
鎮店蟹皇拌麵 ($98) 率先送上，蟹皇汁和陽春麵各自分開盛載，醬汁色澤橙黃，滿滿一碗，分量甚多，撈起可以清楚見到裡面有一絲絲蟹肉，真材實料，真係未食都已經流曬口水。把蟹皇汁和麵條拌勻，入口蟹味滿溢，配埋彈牙掛汁嘅麵條和蟹醋吃，簡直香氣撲鼻。
秘製香糟醉豬手 ($55)，平時比較少食醉豬手，不過呢度真係做得很不錯。豬手皮爽肉嫩，零油膩感，糟鹵味道有層次，唔單止帶複雜悠長的酒香和鹹香，而且香料的精華都滲進豬手內，入口啖啖骨膠原。
高湯小雲吞 ($40) 話就話係小雲吞，但原來 Size 一點也不細小，而且一客有成 10 粒，分量十足。雲吞外皮又薄又滑，內裡包滿肉餡，配埋餐廳嘅秘製辣椒油食，口感一流，好惹味。
韭菜豬肉水餃 ($30) 餃子灼得剛剛好，外皮厚薄適中，不太厚，亦不會過於單薄，既煙韌又滑溜，內裡的韭菜和豬肉餡比例恰到好處，入口充滿韭菜香。
飲品點咗杯百香茉莉寒天茶 ($24) 清香的茉莉綠茶，配搭酸甜的百香果，再加埋透明 Q 彈的粒粒寒天，口感唔錯，感覺好清新。
Post
