百味鮮辣蟹專門店 (Closed)

蟹癡又嚟啦，今日同媽咪嚟咗西環呢間近香港大學站嘢食係專門店。呢排食得太多蒸蟹同炒蟹，所以我哋就嗌咗個特色水蟹粥，二人份量，粥底有一隻蟹，每人一半啱啱好，軟綿綿嘅粥加上新鮮嘅蟹，啖啖海鮮味，其實咁樣清清地食蟹都唔錯，仲有同配料俾你自己加，滿足你個人喜好，媽咪比較鍾意食薑，所以叫咗職員俾啲薑絲佢，職員都好有禮貌順速因應客人嘅要求，呢點真係要讚下。台式皮蛋豆腐好特別，豆腐味清甜，配上濃郁流心皮蛋，互相平衡。豉油王海蝦大大隻，有成六大隻，我同媽咪每人一隻，媽咪話啲蝦新鮮，食落好爽口好正。蒜蓉菜心啲菜好青綠，夠晒火候，比一般食開嘅好味。