Video
Read full review
2022-10-02
1234 views
📌 螢火📍 尖東加連威老道96號希爾頓大廈LG樓1號舖☎️ 21518133★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*幾個月前約咗朋友去呢間餐廳食鐵板燒，不過陰差陽錯之下最終無食到。呢日終於嚟呢度食lunch，食完仲將呢間餐廳由我嘅to-eat list update 去回訪must list添。鋪位面積好大，坐位相當寬敞，格間分明，一邊🍣Omakase 區，另一邊鐵板燒，仲有三間獨立鐵板燒房，抽風系統亦完善，幾枱食客同時用餐都唔會煙霧瀰漫。我地點咗 『 星✨ 』 · 『 月🌙 』兩個套餐（$380）🥢汁煮白鱈魚先將魚皮同肉分開，白鱈魚表面煎到微脆，注上高湯及炒得好香嘅洋蔥，最後將煎至香脆嘅魚皮放在魚肉上，入口肉質嫩滑唔老，洋蔥湯亦好清甜。🥢『 星 』 ➸ 帆立貝·大蝦將刺身級帶子表層煎香，入面保留咗刺身帶子嘅彈牙鮮味；大蝦肉質扎實有彈性，蝦頭有滿滿嘅蝦膏。 🥢『 月 』➸ 廣島蠔·鵝肝多士廣島蠔肥美鮮甜，夾埋櫻花蝦蔥蒜等一齊放入口，豐富嘅海鮮鮮味四溢；鵝肝肉厚，表面煎香後油脂爆發，蘸上自家調製嘅焦糖醬，品嚐完鵝肝後食番伴碟
📍 尖東加連威老道96號希爾頓大廈LG樓1號舖
☎️ 21518133
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
幾個月前約咗朋友去呢間餐廳食鐵板燒，不過陰差陽錯之下最終無食到。呢日終於嚟呢度食lunch，食完仲將呢間餐廳由我嘅to-eat list update 去回訪must list添。
鋪位面積好大，坐位相當寬敞，格間分明，一邊🍣Omakase 區，另一邊鐵板燒，仲有三間獨立鐵板燒房，抽風系統亦完善，幾枱食客同時用餐都唔會煙霧瀰漫。
我地點咗 『 星✨ 』 · 『 月🌙 』兩個套餐（$380）
🥢汁煮白鱈魚
先將魚皮同肉分開，白鱈魚表面煎到微脆，注上高湯及炒得好香嘅洋蔥，最後將煎至香脆嘅魚皮放在魚肉上，入口肉質嫩滑唔老，洋蔥湯亦好清甜。
🥢『 星 』 ➸ 帆立貝·大蝦
將刺身級帶子表層煎香，入面保留咗刺身帶子嘅彈牙鮮味；大蝦肉質扎實有彈性，蝦頭有滿滿嘅蝦膏。
🥢『 月 』➸ 廣島蠔·鵝肝多士
廣島蠔肥美鮮甜，夾埋櫻花蝦蔥蒜等一齊放入口，豐富嘅海鮮鮮味四溢；鵝肝肉厚，表面煎香後油脂爆發，蘸上自家調製嘅焦糖醬，品嚐完鵝肝後食番伴碟嘅日本柚子啫喱，口感清新又解膩。
套餐可選厚或薄燒美國牛肉或者日本黑豚肉
🥢美國牛肉薄燒
安格斯牛雪花紋均勻分布，薄燒包住香脆蒜片蔥花等配料，燒到剛好，牛嘅油香流入配料，蘸埋wasabi沙律醬，鹹香惹味！
🥢日本黑豚肉
呢道菜用上日本穀飼黑豚肉，肉質有彈性，油脂甘甜可口，唔會有豬腥味，肉味可媲美和牛！連我個牛魔王朋友都話正！
兩道鐵板燒肉都捨棄左平時常見嘅麵包墊底，餐廳用上貴價羽衣甘藍🥬，可以一解油膩感又健康！
🥢櫻花蝦炒飯
炒飯連櫻花蝦，蔥粒等一起炒到粒粒分明，加埋燶邊流心太陽蛋🍳，增強味覺層次。
另有沙律、漬物、麵豉湯、甜品/咖啡
所有食材新鮮優質，用料上等，$380真係值回票價，100%回訪！
餐廳仲有一大幅投影牆俾客人虛擬放天燈🏮，只要喺iPad 📱度寫上任何字，都會即時顯示在天燈上面，得意又好📸-able 添！
💡呢次嘅大廚👨🏻🍳係Hon師傅，為人風趣，每道菜都會講解一下，一對巧手除了煮出美味嘅菜式，精緻嘅擺盤更令我哋有多一層視覺享受。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
Post
