🦐🦐🍜🍜 蝦子撈麵 $66
嘩，一上枱好大碟，成碟麵都係鋪滿蝦子，完全毫不吝嗇！一睇就知麵夠晒乾身，啲麵黐滿曬蝦子，入口每啖都充滿濃濃鮮蝦子香，麵爽口又彈牙，簡直停唔到口！
加埋蔥花提鮮，層次升級，真係老饕至愛！
🦐🦐🥟🥟 細淨雲吞（5粒） $27
雲吞皮薄都算滑溜，一啖咬落去能食出鮮味，蝦仁爽口、豬肉無豬肉騷味，湯頭明顯有大地魚嘅香味，每一啖都暖胃又好食，有啲後悔嗌咗細碗。。。下次要嗌大碗食多d先夠皮！
🥬🥬 蠔油生菜 $22 (改咗腩汁）
生菜爽脆得嚟仲掛滿腩汁，輕輕一咬就食到濃郁肉香，清一清蝦子味，絕配也！
🍋🥤熱檸水
最後嚟杯熱檸水，微酸微甜，要讚一下熱檸水好大杯，食完呢餐真係覺得人生圓滿咗！
整體嚟講，呢餐冇得輸，每樣都好有水準，夠哂令人回味無窮！如果你都鍾意呢啲傳統風味，又唔使去澳門先食到，就可以喺元朗試試！😋😋😋
11
1
1
1
