Video
Read full review
2016-06-06
829 views
收工後，約左朋友食飯。朋友話帶我地去中要蘇豪區食飯，心諗點都要豪一次卦？幾埋一齊IFC等之後行半山扶手電梯上，餐廳係伊利近街(行左20分鐘)，門面唔係好靚，只有一個窄窄的入口，再要上樓梯，或者可以搭大廈lift上一樓。一入門口就有一棵櫻花，好日本今晚交比朋友發板，先有兩款蠔，頭一款係生蠔加西班牙火腿，西班牙火腿好薄，面上仲有少少花瓣，賣相好得生蠔肉嫩又夠肥美，咬落去先試到啲汁，係好Creamy既汁，問問先知原來係芝士+豆腐，所以我食到有啲白汁味，味道比較淺，唔會搶左生蠔原來的鮮味，肥而不膩，Juicy的生蠔用黎作頭盤相當適合再黎係另一款蠔，呢款係泰式Style，一望似係加左辣椒油的生蠔，原來是泰式辣醬，自己從來無食過辣的生蠔，呢個Fusion我都是第一次嘗到，生蠔加辣感覺好新奇！生蠔的海水咸味被辣醬中和了，令生蠔不太咸亦不太辣，是一項新嘗試！飲完兩款蠔想飲返杯Sake，飲普通Sake邊夠過癮？我地Order左Staff推介的海膽Sake！海膽配Sake我都係第一次試，Sake比我想像中無咁嗆喉，起初飲第一啖時有點嗆，但飲落愈飲愈覺得香醇，仲散發住濃烈的酒香。海膽不腥又不苦，仲好滑順，感
今晚交比朋友發板，先有兩款蠔，頭一款係生蠔加西班牙火腿，西班牙火腿好薄，面上仲有少少花瓣，賣相好得生蠔肉嫩又夠肥美，咬落去先試到啲汁，係好Creamy既汁，問問先知原來係芝士+豆腐，所以我食到有啲白汁味，味道比較淺，唔會搶左生蠔原來的鮮味，肥而不膩，Juicy的生蠔用黎作頭盤相當適合
再黎係另一款蠔，呢款係泰式Style，一望似係加左辣椒油的生蠔，原來是泰式辣醬，自己從來無食過辣的生蠔，呢個Fusion我都是第一次嘗到，生蠔加辣感覺好新奇！生蠔的海水咸味被辣醬中和了，令生蠔不太咸亦不太辣，是一項新嘗試！
飲完兩款蠔想飲返杯Sake，飲普通Sake邊夠過癮？我地Order左Staff推介的海膽Sake！海膽配Sake我都係第一次試，Sake比我想像中無咁嗆喉，起初飲第一啖時有點嗆，但飲落愈飲愈覺得香醇，仲散發住濃烈的酒香。海膽不腥又不苦，仲好滑順，感覺好似食緊雪糕咁，粒粒海膽都相當飽滿，融合Sake真係有諗頭的嘗試呢！(不過杯Sake細杯左啲，大杯返啲就更好)
繼續日本菜，壽司！但不是普通壽司，是日本帶子包櫻花蝦卷物。卷物有兩種味道，一隻是普通燒汁，一隻是明太子。先講帶子，帶子非常鮮味又嫩，切得夠厚，可以細嚼。帶子配上燒汁口，味道被燒汁搶左，扣左少少分。另一款明太子加埋沙律醬，配埋帶子食用好似食緊花之戀壽司咁，感覺不錯！卷物內有炸過的櫻花蝦，青瓜等。煙韌而黏黏的卷物加埋櫻花蝦一齊變得好有嚼勁！整體感覺幾好，而小人就較喜歡明太子這個味道。
之後呢個，我選為今晚之最，芝士鰻魚飯檲，飯檲硬硬地呈四方形，飯應用鰻魚汁煮過之後再煎香，外圍四邊都可以食到飯焦，咸咸城幾好味。鰻魚同芝士互相配合，熱融左的芝士依附在鰻魚上，令鰻魚都變得煙韌，同一般的鰻魚飯/炒飯好唔同，呢個我比90分！
最後要介紹呢個大菇飯，隻菇本身無乜味，Staff介紹話伴碟的是甜酸汁，我嘗試切少少菇點汁食，又唔錯噃，唔會浪費左隻菇(我覺得大菇係用來裝住個飯)驟眼睇我以為菇上面的是薯容，但原來是意大利飯！Risotto煙韌非常，味道濃郁而且相當Creamy，加埋大菇一齊食可以令大菇變得有味道，不會浪費，一個人食晒一隻都飽晒！
創意，這間餐廳吃的是創意，能將平凡變得不平凡，才是成功之道！
Post
