講返食物，有水準，睇得出對食物有要求，非常驚喜同滿意！
香辣炸雞漢堡
呢個必試！中間層炸雞脆得嚟又唔會好膩！同埋其實唔係好辣，呢隻辣係接受到嘅。
不過一個人未必食得晒，女仔嚟可以兩個人share一份就啱啱好。
薯條就同出面嘅差唔多，正正常常。
蒜香橄欖油大蝦扁意大利粉
呢個都好推薦！同出面嘅橄欖油意大利粉唔同，佢無咁油膩但好有橄欖油香，啲蝦都煎得剛剛好，唔會太老。
黑松露忌廉雜菌意大利飯
黑松露控嚟到可以試呢一個，啲Risotto口感煮得好好，唔會話好淋身。
啲雜菌都煎得好香，仲有少少脆口。
重點係啲黑松浸味真係好香，唔會好似出面有啲餐廳嘅黑松露飯咁咁攻鼻，同埋啲忌廉一齊煮真係好夾！
Hidden Coconut
呢杯野不得不提，有驚喜，啲味調配得剛剛好，唔會太重酒味但又有啲甜味。
本來仲以為cafe嘅cocktail會好普通，無諗過都整得好好！
Camaricano
其實即係士多啤梨酒再溝其他嘢，酒味有點重，唔太飲得嘅都係叫返其他飲品好啲。
雜莓Pancake
Pancake底好重牛油香，但食完唔會話即刻覺得好飽好膩，正！
啲果醬味道都剛剛好，莓味夠，唔會太甜又唔會話好淡味。
蟹肉班尼迪蛋配牛油多士
班尼迪煮得好好，唔會太熟，有流心！
牛油多士就好夠牛油味！
前菜
叫套餐就會有前菜，係Parma Ham配沙律菜再加黑醋汁
都幾好味！
