TOSS 蘇媽.蘇媽

Open Now

Now Closed

放假同阿女去沙田新城市廣場行吓，之後去TOSS蘇媽蘇媽食晚飯。餐廳裝修以啡色、墨綠色做主調，餐枱上彩磚極具馬來風格，繽紛嘅色彩打卡影相一流。食物主打馬來西亞菜式。棒棒骨，肉骨茶以馬拉配方，用了二十多款藥材煲製多達兩個小時，濃郁帶藥材香，砂鍋內的肉骨茶好足料，有四枝棒棒排骨、幾件厚肉冬菇、豆卜、枝竹和杞子。肉骨茶無濃郁嘅藥材味，反而肉味幾香，容易入口。棒棒骨幾腍，肉唔算嚡。冬菇肉厚好爽口，豆卜索滿肉骨茶嘅味道，入口混和肉骨茶嘅濃湯，美食可口。福建炒蝦麵，用料有爽口嘅大蝦和鮮魷魚，每條伊麵都掛上濃郁鮮甜嘅醬汁，非常之惹咪。美祿暴龍，一杯冰鎮美祿加上香滑嘅雲尼拿雪糕，味道濃郁香甜，層次豐富。椰汁斑蘭冰，椰汁味比較香濃，入口順滑香甜。