蕃茄達人 (Closed)

同同事行過，未諗到食咩好，行過店員好熱情邀請我地試下。我地唔知點解就好自然行左入哩間蕃茄達人。 裝備好簡潔，一d 都唔局促，日本風味十足。店員超級好客，熱情，同我地解釋有咩推介。⭐️達人芝士番茄擔擔麵🍅🍜蕃茄擔擔面成件事好似好健康咁，佢所有麵，辣度同拉麵份量都有得俾你揀，辣度有6 個level 咁多。 份量有180g , 250g 同350g (最大份ge 350g ）係要加錢的。我覺得少食多滋味，揀左微辣同180g 就夠。另外跟上一碟芝士粉。店員遞上擔擔麵，就有好重ge 蕃茄同芝士味😋 本身偏油膩嘅擔擔麵加左蕃茄湯，中和左左油膩感。仲有好香ge 花生味。 肉碎份量都岩岩好，細食ge 女仔，180g 其實都夠。唔好眼闊肚窄。⭐️生薑汁燒豬肉定食同事仔因為唔食得辣，只好叫定食。豬肉好入咪，份量都好多。仲有碗蕃茄湯俾你過下蕃茄引。 —————好味指數：😋😋😋😋