粗菜館

Open Now

Now Closed

呢間老字號，午市時段人流不絕，聽落好多都係熟客仔，午市小菜價錢優惠，單點亦都有好多選擇！蔡瀾先生大推的豬油拌飯呢個就係鎮店之寶！小桶裝上枱，自己調配豉油同豬油，好特別嘅體驗！我自己就係第一次試，會覺得有少少油香同埋甜豉油嘅味道，又唔會話好油膩！是日老火湯：青紅蘿蔔煲豬展足足煲咗3-4個鐘嘅無味精老火湯，青甜濃郁，飲落去有種媽媽嘅味道。我自己就非常鍾意佢哋個湯，小鍋都飲到五六碗！豉汁籠仔蒸大鱔好耐無食大鱔，佢嘅醬汁好濃郁，實屬惹味之選！香煎蓮藕餅外面香脆，內裡似肉餅，但多咗粒粒爽口嘅蓮藕！而佢個蓮藕餅都幾厚，所以食落會外脆內軟！