蒲頭島 (Closed)

今晚四條友約左去莊士倫敦廣場十樓「蒲頭島」十十下自己收工遲咗，朋友一路食一路等，食火鍋就係有呢個好處，啱晒約一大班朋友傾計食飯，況且呢度好就腳，地鐵站上來唔使3分鐘上到去有理冇理，梗係攞啲飲品飲下先，呢啲感覺真係好free，淨係飲品都有幾十款，呢度已經成為我哋幾個老友嘅聚腳地之後梗係馬上去漿料區，調教最啱自己嘅調味醬汁，分類仔細，乾淨企理。坐到埋位，佢哋已經點左好多食物，我呢個遲到大王，就真係唔使再客氣，馬上啟動Turbo為食引擎第一個round，大家老實不客氣，還好火鍋火力十足，完全應付到我哋食嘢嘅速度，呢點係好重要，食火鍋最緊要一個字「爽」，最怕啲慢吞吞，滾極都滾唔起嘅鋪頭食物分類得井井有條，用獨立小盤子盛載，鍾意嗰份攞嗰份，非常方便又企理牛肉新鮮，肉質鮮美，我哋成班牛魔王，梗係盡情發揮我哋嘅小宇宙啦過百款食材任君選擇，全部新鮮供應，有圖有真相，又抵食又好味內在環境高雅，有格調，雖然咁旺場，服務員效率亦很高，很少出現漏單情況，上菜速度又快，一句講晒「冇得輸」