，之前仲係一間鋪頭仔已經開始出名，裝修後吸引好多人慕名而來，而變得更加出名，住係附近嘅人對於呢間店絕對唔會陌生，加上有多個YouTuber係裝修前已經成日幫襯加持
，裝修後更加有香港人氣YouTuber 大J(Jason)拍片介紹過，究竟依間漢堡包係咪真係咁好食呢？🤔
我叫左黑松露芝士牛堡($45)+$13套餐(薯條+ 罐裝可樂)，屋企人叫咗經典牛堡($27)+$13套餐(薯條+ 罐裝可樂)。未講食物之前，依間店真係好多好多人去食，點解咁講，本身我哋係2019最尾嗰日去食，但係個日多人到不得了
(看上圖)，至少要等成個幾兩個鐘去排，之後個幾日去又因為太遲而賣曬，食咗幾次白果
今次終於可以食到了
⋯⋯—————
呢間野其實都幾偏僻，真係夠曬隱世😅，搭地鐵嘅話最近就葵興站，不過都要行3個字先到，A出口過馬路就見到許大同學校跟住一路向前行，到時真係唔識先再問人啦⋯⋯
—————
呢間係先買後拎，好在買完有部機提示你野食幾時到，可以搵定位坐喺度慢慢等，前後加加埋埋都等左差唔多成半粒鐘先有得食，不過好食嘅嘢不嬲都要付出時間等咖啦
⋯⋯
黑松露芝士牛堡($45)，💰價錢算平，不過係依區周圍黎講就中等喇💸，周圍店鋪都係做街坊生意，你周圍行吓會搵到好多抵食嘅嘢。翻返嚟呢度先，賣相正正常常，起碼見到啲嘢食唔會凍到一pat pat咁，啲黑松露睇見都流曬口水🤤多到就嚟要漏出黎
。試吓個味先，第一啖已經一口食到曬啲料，黑松露真係冇得輸，加埋塊邪惡芝士，成個牛堡簡直無得頂！
不過隻黑松露似曾熟悉，好似我係葵廣食壽司加嘅醬，個間仲要係可以自己無限添加，對比下依個漢堡包對我來講就無乜太大驚喜喇，不過的確好食同埋所有野都好夾
⋯⋯
試左啖經典牛堡($27)，唯一嘅分別就係無左個黑松露同埋塊芝士，太過乾身
，普通不過嘅漢堡包，勝在依個價錢黎講抵食，$27就食到，不過始終無左塊芝士漢堡包我就麻麻地
，芝士係漢堡包真係不可或缺
。—————
薯條呢就粗身同硬身，茄汁個啲醬都係自己添加，呢隻唔似M記個種軟身嘅薯條，呢隻我覺得好食啲
⋯⋯最尾我都唔知點解會揀咗罐裝可樂，可能求其揀，有好多款嘢飲套餐都有包，有啲特別野飲當然要加$，揀罐裝可樂嘅話記住買完自己雪櫃攞，唔好似我地咁傻豬豬等以為佢哋比😅⋯⋯
簡單來講黑松露芝士牛堡本身係好出色，不過我食開個間壽司都係加類似呢隻醬(可能遲啲會寫個間壽司店嘅食評，大家期待下啦)，所以對於我黎講就無乜驚喜
。屋企人叫嘅經典牛堡又平又抵食，不過差塊芝士始終無咁好食，所以大家可以叫芝士牛堡，都係$31咋，又平又抵食又好食😋，$31食過Lunch至少唔會肉赤😉，加埋套餐都係$44。套餐除咗可以配薯條，仲有好多其他款比你揀，我就覺得漢堡包配薯條可樂就絕配同埋最經典。推薦大家黎食呢間葵涌隱世漢包店，順便支持下香港🇭🇰嘅小店，係依個時候更加要幫襯，外賣2個✌️Thx⋯⋯
