孖寶車仔麵

Open Now

Now Closed

作為成日係葵廣行的人來講，對孖寶車仔麵一定唔會陌生。同老公間唔中都會食下，主要係實在太多人食，平時懶得等位。唉，好多年無見過條街咁小人。真係多謝晒。經過見有位就入去支持下先。裝修都有d心思。坐低叫碗車仔麵先！枱上有醬料同菜甫任加。辣菜甫好好味，每次都食好多。我的" 辣魚蛋牛肚咖哩魷魚河"($48跟熱飲) 辣魚蛋正常，牛肚好入味，必食咖喱魷魚！當你食緊碗熱辣辣的粉麵，夾一塊冰凍的咖喱魷魚~ 簡直係享受！老公的" 蘿蔔雞中翼牛腩油麵"($48跟熱飲)蘿蔔同雞翼都係正常車仔麵水平，牛腩肉質粗左小小。奶茶試下孖寶的奶茶，跟餐熱飲唔洗加錢，細細杯，都算ok。基本上每次人太多都係來去沖沖，今次有機會影下menu, 先發現原來除左車仔麵都重有幾多嘢食，下次想試下碗仔翅。