412
32
12
Exit D, Kwai Fong MTR Station continue reading
All Branches (1)
Telephone
34273498
Introduction
This cart noodles restaurant provides many different choices for the ingredients, with low price. Remember to add the satay sauce and their homemade sauce on top of the noodles before eating. continue reading
Opening Hours
Today
06:00 - 00:00
Mon - Sun
06:00 - 00:00
Payment Methods
Cash
Above information is for reference only. Please check details with the restaurant.
Review (501)
去葵廣掃街絕對係一個週末拍拖好選擇~但要食飽洗費都唔少重點掃街全程無得坐要企喺度食真係好攰🥲🤓我哋就諗咗一個折中嘅方法,去樓下孖寶車仔麵坐低食吓少少野墊肚再去樓上食甜品同野飲!🤤但一試覺得間車仔麵出品真心超正又好平~一定一定要試!下次就算葵廣就為算唔掃街而黎都可以嚟食下呢間車仔麵!🤤五香牛什 $30🤩落單陣時店員超級貼心問需唔需要醬料,我地問可唔可以另上就話可以幫我哋擺喺碗邊😜絕對無諗過$30會有咁多嘢!抵到~!金錢肚、大腸、蘿蔔、等等,樣樣都起碼四五舊,份量大足超級誇張~沾上一旁嘅甜醬同芥末醬更加惹味🥰重點係樣樣都係軟冧又入味,滷水味十足!超級推介抵食到爆炸~!不過可能因為滷水調味所以食到尾有少少覺得鹹!但真心好食🤤🤤🤤滷水雞髀 🍗$20原隻雞髀滷水味超香~🥰甜中帶鹹地嘅調味滲透雞髀內里,而不單單只得雞皮有味🥰肉質尚算軟淋男易咬😚當然如果再軟啲就更好~但宜家食落都好不錯了!三餸麵套餐 $48全日供應嘅三餸麵套餐連野飲之餘,仲要超多餸任揀,就算係豬頸肉魷魚呢一類較貴嘅餸都唔洗另外加錢!🥰 貪心嘅我地揀咗四餸豬紅、蘿蔔、五香豬頸肉、咖喱魷魚~多一餸都係加9蚊😚😚轉埋出前一丁都係加三蚊🤓另上嘅咖喱魷魚有四大塊!咖喱味超香而魷魚入口好强牙!超好味🤤❤️而切片嘅五香豬頸肉都算厚身又大塊,食落有咬口之餘質地又軟淋,豬紅就正正常常~但完全冇諗過車仔麵嘅蘿蔔同五香牛什嘅蘿蔔都有分別🤤🤤🤤原本仲以為嗌咗兩次一樣嘅野~😂但五香牛什嘅蘿蔔就更濃味同更重滷水香,而車仔麵嘅就比較爽脆同清甜🤤🤤兩種調味都幾好食!!📝超級推介~😈絕對係平靚正,鋪頭幾整潔而店員極有禮貌!!!!100蚊就可以食到超飽超滿足,而啲野樣樣都好味,不過建議大家唔好似我哋咁嗌太多滷水嘅items,唔係嘅話食到尾就有啲偏鹹🤤但整體都超高質抵食,怪唔得勁多食客幫襯而超多個舖位都係佢哋呀~💓(8/10)📍 孖寶車仔麵 - 葵芳葵富路7號葵涌廣場地下A15號舖 continue reading
(The above review is the personal opinion of a user which does not represent OpenRice's point of view.)
Level4 2022-06-07
259 views
🔻葵涌廣場行街行到攰,雖然葵廣有好多出色小店,但都想坐底飲杯野休息下,行過車仔麵檔口,被鹵水汁同餸吸引到,就決定呢間‼️🌕 孖寶招牌麵 💲48🌟推薦指數:●●●●●●●●○○孖寶招牌麵[豬紅、蘿蔔、豬皮、魚蛋、豬腸],車仔麵識食一定食油麵😋落單嗰陣咁啱冇豬紅,店員即刻話比多啲魚蛋你啦😆我當然冇問題啦😆😆😆魚蛋係我最愛既細粒「陳皮魚蛋」‼️‼️香辣得黎又帶陳皮香,真係同menu講既一樣,有香港特色既味道😋豬皮蘿蔔同樣出色,夠入味爽口,又唔會煮到爛曬,蘿蔔無渣清甜👍🏻👍🏻👍🏻🌕 自選車仔麵套餐💲48(3餸)+另加餸每樣💲9🌟推薦指數:●●●●●●●●○○另一碗輕盈啲食米線,餸要左[麻吉燒、咖哩尤魚、豬頸肉、牛肚、生菜🥬]麻吉燒出面車仔麵比較少見,魚蛋入面有麻糬夾心😍,質感香糯Q彈有口感豬頸肉燒得香口😋,無太多油脂,不會太肥膩,可惜掛住影相,被湯浸腍了😝牛肚不過不失,細塊易食,鹵得夠入味,唔錯唔錯☺️咖哩尤魚係另上嘅👍🏻‼️咖哩膽調得香口,尤魚入味之餘保持應有既口感,而且因為另上嘅關係,無溝淡香濃咖喱汁之餘,亦可以先食原味車仔麵後,加入咖哩汁到麵中😋😋另一種味蕾刺激,享受提昇湯麵到不同層次🤩🌕 滷水雞髀 💲20🌟推薦指數:●●●●●●●●●○叫左隻滷水雞脾,因為太為食唔記得影相😂😋一開始已經被檔口前嘅滷水汁吸引到,知道滷水雞脾係必點菜式‼️雞脾上枱就知道無叫錯😍滷得入味得嚟,又無煮到雞脾爛曬,又保持肉質唔鞋,推介‼️‼️ continue reading
(The above review is the personal opinion of a user which does not represent OpenRice's point of view.)
葵涌廣場呢兩年係更多新食店進駐🫣 當中經營超過10年嘅黃店孖寶車仔麵相信無人唔識🍜主要賣車仔麵同港式小食😍 佢哋本餐牌幾得意😎係孖寶秘笈😍第一碗揀咗孖寶辣汁小辣🌶 叫左四餸 (雞翼、大腸、牛栢葉、五香豬頸肉) 店家每日將啲大腸洗得乾乾淨淨🥹加啲滷水汁去炆,所以食落唔會有腥臭味,口感軟腍😆 有少量油脂🤤 雞翼醃得入味~肉質飽滿😘 牛栢葉同豬頸肉食落口感彈牙🥹第二碗試左加沙嗲汁😝 都係叫左四餸 (五香豬頸肉、豬皮、蘿蔔、咖喱魷魚) 豬皮食落幾爽口🫶🏻吸收左湯底嘅精華🤓蘿蔔清甜冇喳幾淋身,咖喱魷魚🦑就比較細份,得三四片細細塊咁🥺值得一讚係每枱無限任添佢地自家製辣菜脯😍一定要加‼️ 都幾辣帶咸香好惹味🔥 唔食得辣嘅唔驚😗有原味😛 可以加落車仔麵或者碗仔翅一樣咁好食🫶🏻.(三餸一麵+熱飲) 車仔麵 $42加餸 +$9孖寶辣汁/沙嗲汁 + $3Menu continue reading
(The above review is the personal opinion of a user which does not represent OpenRice's point of view.)
放假阿仔指定行程「葵廣」- 葵涌廣場係以前我放假或收工時侯,最愛去行街買野、同男朋友拍拖嘅地方。因為又多野睇,又多小食店,掃街又得坐低食又得。最近一年,疫情關係真係極少嚟。今次係因為阿仔好想去,所以陪佢去行下。可能假期,真係超多人。由上而下行到地下,年紀大真心腳仔攰,即刻想搵個地方坐低抖下,順便食的嘢醫肚。疫情要小心起見,都係吾太適宜企係街到食野。即刻搵返以前食開既車仔麵店「孖寶車仔麵」,呢間係食開有感情。睇到本餐牌,真係好攪笑,《孖寶秘笈》睇下今日食乜好。最後叫咗三樣野 share 食。叫咗一碗《孖寶招牌麵》($48)勝在乜餸都有,蘿蔔、魚蛋、豬皮、豬紅、雞翼。直頭係車仔麵經典配搭。蘿蔔夠淋鮮甜;豬紅滑滑吾會一夾就散;陳皮魚蛋基本野夠爽彈。《生菜魚肉湯》($20)已經忘記幾多年冇食了。生菜絲爽口,魚肉鮮甜,熱辣辣既湯,混和麻油香,心急大啖食,永遠都會燙傷嘴唇。《墨魚條碗仔翅》($25)食碗仔翅呢,麻油、醋係基本嘅,仲有最緊要必備嘅就係「辣菜甫」,有齊碗仔翅三調味三寶,呢碗翅就會食到你舔舔脷。吾少得飲品,阿仔要豆漿,膠樽裝衞生方便。我就飲凍咖啡,其實大個飲過即磨咖啡之後,真係好耐冇飲茶餐廳咖啡,今日就懷念一下「舊屎」。 continue reading
(The above review is the personal opinion of a user which does not represent OpenRice's point of view.)
呢日同男朋友行完葵廣,就去朝聖左呢間好出名又抵食嘅車仔麵黃店。舖頭主要做外賣生意,亦都有堂食位置,平時都會見到有人龍㗎,好受街坊歡迎。>滷水雞髀湯麵:大大隻滷水雞髀,雞脾厚肉整到好滑,而雞皮完全冇整爛,有少少油香,滷水味滲晒落去雞脾,鹹味啱啱好,麵底揀咗手打麵,煙韌滑溜好似烏冬咁😋>滷水豆腐:硬豆腐吸哂滷水汁,但又唔會死鹹,$12份量都幾多。>五香牛雜:牛雜完全冇腥味,有牛肚、腸、肺、膀+蘿蔔,煮得腍滑入味,點上少少汁就好好味。>墨魚條碗仔翅:平時多數係魚肉,呢度有彈牙既墨魚條,碗仔翅味道都OK,再多少少料就更好。>腸粉:好耐冇食呢款腸粉,甜醬、麻醬同埋豉油撈埋一齊一定好味😂D醬都好多,超級邪惡,重點係$10有3條,呢個價抵到爛都冇咩可以挑釁。 continue reading
(The above review is the personal opinion of a user which does not represent OpenRice's point of view.)