Read full review
2017-07-21
1293 views
落住雨，周圍都濕笠笠，最就係入商場搵好嘢食！朋友之前食過呢間上海菜好幾次，佢話餐廳開業咁多年都保持到水準，所以今次帶我嚟試下。其實我自己都行過好多次，印象係...有隻兵馬俑棟喺門口果間上海菜囉！一坐低開咗壺西湖龍井~好香!跟住就急住睇餐牌叫嘢食，事關真係好肚餓~餐牌選擇有好多，我哋都度咗陣，究竟要叫咩食？因個人喜好關係，酸辣湯係必點嘅，今日又想食小籠包，又想試下擔擔麵，通常我都要加個前菜小食，見到隔離枱食松子魚又流晒口水......咁樣睇下睇下最後決定......酸辣湯麵點一位淨酸辣湯應該我一個人就飲晒，無麵又怕唔夠飽，點麵又怕佢溝淡個湯！我真係人選擇困難症架！朋友二話不說，決定咗叫酸辣湯麵......好彩湯嘅濃度無因為叫咗麵而溝淡，稀杰度同叫淨酸辣湯一樣~而入面嘅豆腐、木耳、豬肚、筍絲得切得好仔細！湯嘅味道一流，酸同辣配合得好好。好怕坊間其他上海店，叫酸辣湯麵...真係溝到一個湯麵咁。素鵝呢個前菜係我媽媽最愛食嘅，腐皮半煎炸香脆鬆化！鮮肉小籠包略嫌皮厚咗小小，肉汁都多嘅~紅油抄手呢個係朋友突然間話想食嘅，但味道一般唔算特別好味！不過，我哋後尾發覺原來點咗兩樣類似嘅嘢，可能因為佢同小
朋友之前食過呢間上海菜好幾次，佢話餐廳開業咁多年都保持到水準，所以今次帶我嚟試下。其實我自己都行過好多次，印象係...有隻兵馬俑棟喺門口果間上海菜囉！
一坐低開咗壺西湖龍井~好香!跟住就急住睇餐牌叫嘢食，事關真係好肚餓~餐牌選擇有好多，我哋都度咗陣，究竟要叫咩食？因個人喜好關係，酸辣湯係必點嘅，今日又想食小籠包，又想試下擔擔麵，通常我都要加個前菜小食，見到隔離枱食松子魚又流晒口水......咁樣睇下睇下最後決定......
酸辣湯麵
點一位淨酸辣湯應該我一個人就飲晒，無麵又怕唔夠飽，點麵又怕佢溝淡個湯！我真係人選擇困難症架！
朋友二話不說，決定咗叫酸辣湯麵......好彩湯嘅濃度無因為叫咗麵而溝淡，稀杰度同叫淨酸辣湯一樣~而入面嘅豆腐、木耳、豬肚、筍絲得切得好仔細！湯嘅味道一流，酸同辣配合得好好。
好怕坊間其他上海店，叫酸辣湯麵...真係溝到一個湯麵咁。
酸辣湯麵
37 views
0 likes
0 comments
素鵝
呢個前菜係我媽媽最愛食嘅，腐皮半煎炸香脆鬆化！
素鵝
40 views
0 likes
0 comments
鮮肉小籠包
略嫌皮厚咗小小，肉汁都多嘅~
鮮肉小籠包
36 views
0 likes
0 comments
紅油抄手
呢個係朋友突然間話想食嘅，但味道一般唔算特別好味！
不過，我哋後尾發覺原來點咗兩樣類似嘅嘢，可能因為佢同小籠包一樣都係有塊皮包住一舊肉，我哋今日食咗好多粒肉！
紅油抄手
72 views
0 likes
0 comments
最後我哋仲叫咗個蝦仁煎蛋餅，蝦爽口彈牙，加上蛋餅煎得幾香口！不過送飯食可能會好d，定唔知係咪之前食咗太多粒肉，我已經有d飽~
蝦仁煎蛋餅
78 views
0 likes
0 comments
Post
