Video
Read full review
2021-09-08
24 views
喺youtube見到有人拍呢間嘅食評，仲要係土耳其風嘅打邊爐，即刻bookmark 嚟試吓🤣呢間有土耳其風情嘅火鍋店主打嘅係旅行的感覺，我覺得比較貼切嘅應該係「浮誇」的感覺🤣 無論餐廳嘅佈置定係食物嘅陳設都俾人一種浮誇嘅感覺😂😂😂香蒜卜卜蜆鍋底 $198上菜嘅時候個鍋冒出一大股白煙，睇落成個火山口咁🌋望真啲應該係落咗乾冰😂 卜卜蜆份量十足又冇沙，個鍋仲附送大量芽菜✌🏻本地牛脊肉 （細）$268又係華麗嘅上菜方式😂 一片片攤開係易夾嘅，牛肉仲切咗雙飛，輕輕淥一淥就食得，牛味濃👍🏻新鮮蟶子皇 $198 （4隻）又一大盆冰陣住上😂 蟶子好大隻，食落鮮甜都好厚肉👍🏻花雕雞件 $88又有煙霧出嚟🌋😂 煮完唔係好食到花雕味，雞肉食落冇雪味，ok☺️黃金雙拼$98炸魚皮同埋響鈴上面都沾咗好多蛋黃，炸魚皮就咁食香脆得嚟又有蛋黃香，相反響鈴如果就咁食，中間就會顯得比較乾，建議都係沾少少湯會更加好味😋足料竹蔗茅根 $68打卡必點🤣之前睇人哋啲相，有個好浮誇嘅地球飲品，我哋本身以為係土耳其茶，點知問吓侍應先知原來係竹蔗茅根🤣 份量都幾多都斟到三四杯我哋另外仲點咗餃類同埋魚滑，食落不過不失😛 講味道同埋浮誇嘅感
呢間有土耳其風情嘅火鍋店主打嘅係旅行的感覺，我覺得比較貼切嘅應該係「浮誇」的感覺🤣 無論餐廳嘅佈置定係食物嘅陳設都俾人一種浮誇嘅感覺😂😂😂
香蒜卜卜蜆鍋底 $198
上菜嘅時候個鍋冒出一大股白煙，睇落成個火山口咁🌋望真啲應該係落咗乾冰😂 卜卜蜆份量十足又冇沙，個鍋仲附送大量芽菜✌🏻
本地牛脊肉 （細）$268
又係華麗嘅上菜方式😂 一片片攤開係易夾嘅，牛肉仲切咗雙飛，輕輕淥一淥就食得，牛味濃👍🏻
新鮮蟶子皇 $198 （4隻）
又一大盆冰陣住上😂 蟶子好大隻，食落鮮甜都好厚肉👍🏻
花雕雞件 $88
又有煙霧出嚟🌋😂 煮完唔係好食到花雕味，雞肉食落冇雪味，ok☺️
黃金雙拼$98
炸魚皮同埋響鈴上面都沾咗好多蛋黃，炸魚皮就咁食香脆得嚟又有蛋黃香，相反響鈴如果就咁食，中間就會顯得比較乾，建議都係沾少少湯會更加好味😋
足料竹蔗茅根 $68
打卡必點🤣之前睇人哋啲相，有個好浮誇嘅地球飲品，我哋本身以為係土耳其茶，點知問吓侍應先知原來係竹蔗茅根🤣 份量都幾多都斟到三四杯
我哋另外仲點咗餃類同埋魚滑，食落不過不失😛 講味道同埋浮誇嘅感覺都不及上面提及嘅😂 下次可以唔洗叫🤣
Post
