Read full review
2023-02-22
1221 views
💁♀️💁♂️14/2/2023(Tue) 情人節, Dinner🍽情人節既晚上，A先生選擇咗中環呢間意大利🇮🇹餐廳 @giovannipinahk 同為食妙妙去慶祝。A先生每日lunch或者放工經過，都覺得餐廳環境好吸引，今次趁情人節就一於訂定枱同為食妙妙去食返餐。而今晚我地order咗：Valentine’s Day Set Dinner for Two（$1208 for two ）🔆 Starter - 北海道帝王帶子牛油果🥑魚子醬沙律🥗帶子都幾大隻，外邊略略煎過帶金黃色，入面仍然有點生，最上面女既魚子醬帶出咗帶子既鮮味。下面既牛油果🥑應該混合咗少少芒果🥭，所以食起嚟帶點芒果既香甜味。🔆 Starter - 南瓜🎃帝王蟹肉🦀忌廉湯南瓜🎃味道清甜，南瓜蓉都多，唔算好creamy，入面都有少少既帝王蟹🦀肉，肉質帶點海水味。🔆 Main - 炭烤美國頂級平鐵牛扒🥩配波特酒汁牛扒我地要咗medium，上枱時已經係切好兩件，伴碟有菇同埋黑松露薯蓉。牛扒都算有牛味，入口尚算嫩滑。只係略嫌凍咗少少，可能情人節關係，食客比較多所以喺菜式上枱時間差咗少少。🔆 Main - 利古里亞海鮮濃湯燴龍蝦🦞
💁♀️💁♂️14/2/2023(Tue) 情人節, Dinner🍽
情人節既晚上，A先生選擇咗中環呢間意大利🇮🇹餐廳 @giovannipinahk 同為食妙妙去慶祝。A先生每日lunch或者放工經過，都覺得餐廳環境好吸引，今次趁情人節就一於訂定枱同為食妙妙去食返餐。
而今晚我地order咗：
Valentine’s Day Set Dinner for Two（$1208 for two ）
🔆 Starter - 北海道帝王帶子牛油果🥑魚子醬沙律🥗
帶子都幾大隻，外邊略略煎過帶金黃色，入面仍然有點生，最上面女既魚子醬帶出咗帶子既鮮味。下面既牛油果🥑應該混合咗少少芒果🥭，所以食起嚟帶點芒果既香甜味。
🔆 Starter - 南瓜🎃帝王蟹肉🦀忌廉湯
南瓜🎃味道清甜，南瓜蓉都多，唔算好creamy，入面都有少少既帝王蟹🦀肉，肉質帶點海水味。
🔆 Main - 炭烤美國頂級平鐵牛扒🥩配波特酒汁
牛扒我地要咗medium，上枱時已經係切好兩件，伴碟有菇同埋黑松露薯蓉。牛扒都算有牛味，入口尚算嫩滑。只係略嫌凍咗少少，可能情人節關係，食客比較多所以喺菜式上枱時間差咗少少。
🔆 Main - 利古里亞海鮮濃湯燴龍蝦🦞
有半隻龍蝦🦞、青口、蜆同一件魚肉，海鮮湯味道濃郁，但又唔會蓋過海鮮既鮮味。青口同蜆都煮得剛好，入口仍然肉質鮮嫩。龍蝦係有膏既，入口味道甘香，而鉗亦已經起肉，所以食得好方便。
🔆 Dessert - 情人節限定手工玫瑰🌹蛋糕
蛋糕立體既玫瑰🌹賣相精緻，配合白朱古力慕絲內層，入口唔會太甜，內裡仲有少少紅莓果醬，酸酸甜甜咁幾好食。伴碟仲有蛋白餅同兩件手工迷你撻，為呢一餐情人節晚飯畫上完美的句號。
🔆 Caffe Latte
拉花好靚，有❤️❤️又有🌹，略嫌咖啡本身少少過熱。
🔆 Vermentino Belvento I.G.T. 2018
易入口而帶甜既白酒，清新好喝。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤(4/5)
❤🙆♀️(為食妙妙)整體食評：❤❤❤❤(4/5)
👉🏻 餐廳樓底夠高，中央有一盞大既水晶燈，十分有氣派
🔆🔆🔆🔆🔆🔆🔆🔆🔆🔆🔆🔆🔆
Post
