華姐清湯腩

Open Now

Now Closed

講就講左好耐,但一直都無綠試華姐清湯腩,早前終於可以試~~~(其實我一直有個搵食列表,不過成日會變,華姐就一直冇變過)好多人都會點既腩汁蘿蔔~蘿蔔又甜又腍又冇渣,真係好正喎~呢度係可以揀坑腩,爽腩等部位,圖中係坑腩伊麵~據稱坑腩係牛肋骨之間既肉,連住少少筋,牛腩好鬆化,肉味好濃,極之好食~唔好睇個湯咁清會好淡,其實就如老火湯咁,用牛骨熬煮左好耐,所以極之清甜冇味精,結果成碗湯飲晒~呢個係爽腩(兩者比較一下)~爽腩據講係牛腩邊位,數量比坑腩少,嘻,講真,真係唔太識分,不過都覺得爽腩多左d肥脂,味道更甘香,質感就同樣腍得黎有咬口,確係一絕~主角雖然係牛腩同湯,個其實河粉都唔錯,又爽又滑~