囍越 (Tuen Mun Town Plaza) (Closed)

行左成個屯門市中心好似都唔知食咩好，行到上頂樓睇尼間鋪既menu戈陣，見到有個生菜包，好似好正好清新咁，就坐低左叫黎試下。平時食生菜包都係韓燒餐廳戈種生菜包，未食過越南版本既，所以好期待。因為因為成個餐既野都應該唔洗煮咁耐，所以都唔洗等好耐佢就上菜。一眼睇晒就真係肉碎、粉皮同生菜，好簡單不過第一個感覺就係覺得3樣材料個比例唔係好合理，因為個生菜得幾塊，其他野都比較多，所以好似會包唔晒咁，唯有有幾次係就咁用粉皮包肉碎食，先可以食得晒3樣野。不過食尼個生菜包都食到周圍係，因為d肉碎會一路食一路跌，不過食既過程都好有趣，最重要都係好好食。