Video
Read full review
2025-05-07
118 views
莆田 Putien📍元朗元龍街9號形點一期2樓2040號舖莆田哆頭蟶節返嚟啦，唔少人行過舖面都被金光閃閃、蟶子造型嘅menu吸引。我同朋友都唔例外，一心去Yoho shopping，行到攰都決定再去飯堂莆田食返個late lunch。 💰$138避風塘炒哆頭蟶 🐚哆頭蟶都食過兩次啦，係時候試試新品—避風塘炒哆頭蟶。炸蒜同乾辣椒堆成一座小山，裏裏外外都藏有大大隻嘅炸蟶子，presentation嚟講，絕對係優秀。蟶子口感酥脆無比，味道微辣帶鮮，既下飯又下酒！ 💰$98/小份酥炒檳榔芋芯 🍠嚟過莆田咁多次，一直都有一道菜好想試試，但每次都食到滿腹，所以無胃容量spare俾佢。但今次我哋無揀太多重澱粉質嘅主食，所以終於品嘗到呢道精緻小菜。只可以話，我哋同佢真係相見恨晚，無諗過普普通通嘅芋頭，都可以整得咁好食。廚師嚴選福建特產檳榔芋，而且只用中段入饌，一口一件外焦甜內粉糯，當前菜或甜品都相當適合。 💰$128黃魚煲仔飯 🍲雖然秋冬兩季已經過咗一段時間，但近排天氣時熱時凍，趁住今日落雨颳風有少少涼意，一於叫個新品黃魚煲仔飯暖暖胃。煲仔飯即叫即煲，米飯粒粒皆有汁香，夾埋煎到香噴噴嘅黃魚，一開蓋，叫
📍元朗元龍街9號形點一期2樓2040號舖
莆田哆頭蟶節返嚟啦，唔少人行過舖面都被金光閃閃、蟶子造型嘅menu吸引。我同朋友都唔例外，一心去Yoho shopping，行到攰都決定再去飯堂莆田食返個late lunch。
[價錢 Price]
💰$138
避風塘炒哆頭蟶 🐚
哆頭蟶都食過兩次啦，係時候試試新品—避風塘炒哆頭蟶。炸蒜同乾辣椒堆成一座小山，裏裏外外都藏有大大隻嘅炸蟶子，presentation嚟講，絕對係優秀。蟶子口感酥脆無比，味道微辣帶鮮，既下飯又下酒！
[價錢 Price]
💰$98/小份
酥炒檳榔芋芯 🍠
嚟過莆田咁多次，一直都有一道菜好想試試，但每次都食到滿腹，所以無胃容量spare俾佢。但今次我哋無揀太多重澱粉質嘅主食，所以終於品嘗到呢道精緻小菜。
只可以話，我哋同佢真係相見恨晚，無諗過普普通通嘅芋頭，都可以整得咁好食。廚師嚴選福建特產檳榔芋，而且只用中段入饌，一口一件外焦甜內粉糯，當前菜或甜品都相當適合。
[價錢 Price]
💰$128
黃魚煲仔飯 🍲
雖然秋冬兩季已經過咗一段時間，但近排天氣時熱時凍，趁住今日落雨颳風有少少涼意，一於叫個新品黃魚煲仔飯暖暖胃。煲仔飯即叫即煲，米飯粒粒皆有汁香，夾埋煎到香噴噴嘅黃魚，一開蓋，叫人口水直流。
上菜後，店員會細心用匙羹壓碎魚肉，再加入香蔥同埋炸蒜粒，鹹鹹香香嘅煲仔飯完成！
[價錢 Price]
💰$228/小份
金絲麥片蝦 🍤
同朋友去新加坡時食盡多個熟食市場，其中一道令人印象深刻嘅小菜，就係麥片蝦。為咗回味一下，我哋揀咗呢道賣相獨特又滿有新加坡風味嘅金絲麥片蝦。小份有六隻大蝦約有180g，標榜只用活蝦製作，保證新鮮！
連殼大蝦裹滿酥脆嘅麥片同酷似金絲嘅雞蛋絲，黃金閃閃，令人相當有食慾。大蝦果然夠鮮，肉質緊實，蝦肉鮮甜，大人細路肯定都會一食愛上！
Post
