FAB Kitchen (Closed)

荔枝角一帶嘅工廈入面有唔少隱世美食，今日搵左一間西餐黎試下。由比較殘舊嘅工廈行入餐廳度，即刻好似到左另一個世界，入面乾淨舒服，裝修雖然唔算豪華但係有品味。是日美食：法國珍珠蠔周打魚湯香濃蘑菇湯凱撒沙律配無激素雞胸香煎帶子墨魚汁扁意粉秘制羊膝點評：兩碗湯唔算濃，但係絕對夠味，尤其是周打魚湯果陣淡淡嘅蠔味，好飲又開胃。沙律方面係配左無激素雞胸，唔影響口味情況下，可以食得健康d。意粉口感唔錯，值得一提嘅係帶子，煎得有小小脆，絕對係水準之作。羊膝係有驚艷到我，唔係果陣好重嘅羊騷味，而係有另一種鮮味，可能係個秘制醬嘅功效。