FAB Kitchen (Closed)

荔枝角一向多隱蔽既餐廳，估吾到連意法菜都有，朋友生日去左呢到食飯。有2人set dinner，份量好足夠。餐包有預熱，咬落去芝麻好香好脆，包幾軟熟。餐湯揀左法國珍珠蠔周打魚湯，意想不到珍珠蠔好鮮甜，周打魚湯幾creamy。鵝肝批 青蘋果香桃醬2片鵝肝，口感creamy幼滑，加左特製青蘋果香桃醬，甜甜地，幾好既配搭。自家刁草腌製挪威三文魚刁草鋪滿系厚切三文魚，味道一啲都吾咸，帶微微刁草味。Parma Ham配無花果Parma Ham有大約4片，呢款味道會偏咸，一般用黎配紅、白酒，但配左新鮮無花果，味道岩岩好中和左。Main揀左：香煎銀鱈魚 三文魚籽 菠蘿清酒泡沫銀鱈魚肉質好嫩滑，底下有薯粒，再淋上菠蘿清酒泡沫，要留意既系sake味會相對突出。紅酒燉紐西蘭草飼封門牛柳封門牛柳連帶牛筋位，所以肉質好軟嫩，牛筋位好淋，紅酒汁味道岩岩好，無搶左牛肉既味道。最後會上飲品。