呢間日式居酒屋由招牌卷物到創意脆脆，全部用料十足，平日夜晚去座無虛席，質素都不錯～
🥂 金酒杯 $168
高腳杯裝住海膽、拖羅蓉、三文魚籽同松葉蟹肉，附紫菜自製手卷，儀式感十足！
🍣 金龍珠海膽吞拿魚蓉卷
Omakase級招牌卷物！捲入海膽、吞拿魚蓉、醃漬蛋黃同青瓜，蛋黃半流心帶醬油香，口感軟滑豐富～
🐮 焦糖鵝肝和牛千層脆脆
頂層焦糖鵝肝表面微脆，中間軟心即溶；中間夾住和牛同壽司飯，底層係吞拿魚蓉，用脆紫菜天婦羅承托，層次感豐富～
🐟 海膽拖羅蓉千層脆脆 $138
兩層鮮甜海膽鋪滿面，下面係滿滿拖羅蓉，海膽控必點！
🐟 炙燒右口魚裙邊拖羅蓉海苔脆脆 $88
油脂香濃嘅炙燒右口魚裙邊，再疊上綿滑拖羅蓉，一啖咬落去好脆、軟、滑，魚油香同拖羅鮮味十足！
🍚 兩款極上丼物
▫️ 蟹皇丼 月見蟹皇三文魚籽飯$288
鋪滿濃郁蟹皇＋三文魚籽，撈勻月見蛋黃更Creamy
▫️ 新銀丼•炙燒右口魚邊三文魚籽配柚子醋飯 $198
炙燒右口魚邊油香滿溢，配柚子醋飯清新解膩
🍤 巴馬火腿芝士天婦羅 $88
外層薄脆，咬開即流心，充滿鹹香
