小甜谷 (Closed)

同男朋友專登渣車黎食小甜谷, 小谷親自落場招呼,非常好客!!星期六晚十一點黎到,哇!!!!!!!!!!好多人, 不過人係多,叫外賣既多, 好多拎左籌又唔見人?!最後咁既洶湧情況都係等左15分鐘咋,就有得食~我點左荔枝奶凍,我比100分,又滑又香又甜,奶味夠,荔枝味又夠,恰到好處。男友的熱燉奶就麻麻,係滑係香,但男友話澳奶好得多,我話義順都好得過了。華田沙冰,飲藥酒既味,唔得唔得。對面位既菠蘿冰,唔知好唔好食,不過35蚊一個,唔食得都睇得。可以一試, 特別係個奶凍,一定encore!