金香緣雲南過橋米線 (Closed)

星期六下午起荃灣搵食朋友話想食米線去左寶石大廈斜對面既金香緣裡面都幾企理乾淨燈罩仲幾中國風佈置精緻除左有米線都仲有飯可以選擇樣樣價錢都唔算貴我要左酸辣小鍋米線（小辣）加配左豬頸肉、香茅豬排同埋竹笙份量都真係好大碗米線食極都食唔完咁湯底酸辣適中豬排都好大塊煎得幾香口 而且唔韌讚！豬頸肉都好多 爽口彈牙竹笙又夠多 正！叫左個涼拌皮蛋share食睇到都流哂口水雖然睇落好似好辣但食落又唔係 微辣辣椒唔會蓋過皮蛋既香味皮蛋又幾爽口 夾起都唔會散哂最後飲埋豆漿 夠哂滿足荃灣又一個食米線既好地方！