金香緣雲南過橋米線 (Closed)

想食米線，上網見到介紹，似企企理理，所以專登去試下先，因為我地係區外人，都搵左一陣路去到見到個餐牌...越南喇沙？越南有喇沙咩？我地以為入錯鋪...網上介紹既過橋米線既套餐或者蕃茄湯底都無左（但鋪名仲叫過橋米線？網名only?）米線一餸要48蚊，仲要飲野另加，好貴！我叫左魚腐米線豬骨湯底，魚腐得油［億］味，食左一舊，我就全部都無食，但米線都淋滑既..老公叫左豬軟骨酸辣米線，佢話無酸味，豬軟骨不予置評...服務方面，真係好到不得了，我地習慣預先拎左錢出黎放枱面，飲埋杯野先出去找數，但佢已經問所無問，一手就拎走左d錢...好失望，無下次！

由於是住附近，先會到此店食飯。我估外區仕是難找的。店內是燈光充足，位置闊落。但可惜冷氣好冷，未食完就想走，叫左杯熱檸水都吹到凍晒。如大家去食，記得帶番見衫，呢個天氣好易病。叫左碗喇沙海鮮米線，買相好大碗，看似無料，原來有蟹柳，蝦米，蝦，貝貝，炸豆腐，豬紅，好多芽菜。但尾中不足是湯底，完全無椰汁味道，偏淡味。炸魚好厚粉，粉仲厚過魚。

幫襯過好多次，雖然位置有少少吊腳（寶石大廈對面），不過佢既米線性價比都高過曬坦仔、男記同生哥。。。落單唔洗講坦仔話，雖然最近加左個掃code落單，但仲未完善（無得揀辣）。落單阿哥好好人，如果米線食落唔夠辣可以叫廚房加辣，因為佢d麻辣湯無坦仔咁辣，可以重手d個人就最鍾意食淨乾撈米線，米線會滑身d，同埋又有肉燥，又有半隻滷蛋，夠曬飽，仲可以免費轉薯粉！今次幫朋友加左豬排同豬大腸！豬排炸得香脆唔乾身又唔鞋口！次次幫襯都唔洗等位，有下午茶優惠，坐又坐得舒服唔洗迫！

荃灣簡直係米線之都，機乎每條街都會見到一間米線店，而且仲好迫，坐得好唔舒服。今日我去呢間就唔同，可以坐得舒舒服服呢！魚腐、牛腩蕃茄湯小鍋米線 $42見賣相都好不錯，有一個沙鍋煲咁熱住上，魚腐口感軟熟，而且牛腩份量都好多，蕃茄湯唔會好稀，有好濃嘅蕃茄味，好開胃。裡面嘅枱櫈都好大張，坐得舒服。侍應嘅態度好好，好友善呢，見我冇叫野飲，佢地都俾左杯水我，好窩心呀！而且可以慢慢食唔駛急住走，就唔怕急住食完燙親喉嚨啦😆

沙咀道後邊因為比較少野行 所以平時都唔會話成日經過 晏晝同朋友嚟咗呢間米線舖食米線 米線份量非常充足 勁大碗 同朋友分別叫咗番茄湯小窩紅薯粉配豬扒 $36 同酸辣湯小窩米線配牛腩 $36呢間野湯底做得唔錯 番茄湯有蕃茄粒 酸辣湯亦都夠辣 再加埋爽脆嘅木耳絲 芽菜等等令到成碗米線非常有口感 另外我見佢餐牌係有得叫套餐 五十零蚊左右會包嘢飲同埋多幾款餸 不過自己同朋友嗰日嚟嘅時候唔算話太肚餓所以就冇叫啦 雖然地理位置唔算太方便 不過都值得一試

同老公喺荃灣攞完包裹，行到肚餓見到間金香緣米線就行左入去。我同老公一人叫左一碗麻辣湯底，自己再叫餸。估唔到，個麻辣湯底咁好惹味，絕對唔係死麻味，幾正。😋不過個炸魚皮就漏哂氣，唔脆，浸完湯變橡膠。希望下次有改善埋單都唔係貴，下次會再嚟試其他野👍🏻

見到咁多人稱讚這間米線舖，於是專程潮聖一下，我叫了豬骨湯小鍋米線加豬腩肉及竹笙，另叫了醉雞翼。米線真是我食了咁耐米線以來最好食嘅米線，因軟硬度適中，湯底不會太濃，腩肉有醬汁好正。醉雞翼肉質雖然實了點，但勝在有酒香味。下次試下其他款式先，可回頭再食嘅米線。

同事之前嚟過,佢話叫咗個雲南過橋米線餐,個餐先有個小窩連湯上檯,另外有幾小碟的餸分開上,湯底也有四款選擇,有辣的麻辣/酸辣,唔辣有豬骨/蕃茄,個小窩連湯好熱,然後將小碟餸續一放入湯內,佢話個窩非常熱同啲餸都好美味,叫我一定要試。今日中午決定去試,叫咗個A餐轉薯粉(小辣),有牛內,豬肝,豆卜,雞絲,魚蛋,牛丸,粟米,腐皮等等。上檯時,可能個餐唔同,全部餸都預先放晒入窩,但賣相都可以個湯唔係好熱,但酸辣就剛好,唔錯牛肉幾好,似新鮮牛肉,好滑豬肝,新鮮豬肝,好爽口,好味豆卜,吸咗好多湯,魚蛋,牛丸,有彈性,但較咸但整體嚟講,都值得一食

傳說近年荃灣最好食米線有變動，近悅來，一間開係死位嘅米線，人流唔多，全因佢嘅質素，才可生存至今。雲南過橋米線，熱鍋上，開頭以為得依款先用，原來全部都用。依款有分A,B，職員話一個係牛，一個係豬，信佢就照落B，但原來有四樣都唔同，本身唔食豬頸肉，發現時想走都太遲，果然凡事都要睇清楚。熱辣辣一鍋，做到同圖一樣有一碟碟，連影相時間都無，係你面前急急倒落去，再急急地收走，完全意義不明，好奇梗樣收返去佢會唔會洗？可能一日洗一次？效果好豐富，雖然每樣少少，但質素唔差，丸係陳記，豚肉真係火鍋肉片，連最唔想食嘅豬頸肉都可接受，質感唔會太實，有豬肉嘅軟熟，好少有配粟米，粟米嘅甜同酸辣湯底其實好夾，叫小辣，湯底酸辣味夠之餘味唔會重，感覺好輕，唔會覆蓋咗食物本身味道之餘，亦做到提升，用滑身米線，成個組合食完唔會覺囗喝，亦唔會脹肚，舒服！雞柳酸辣小鍋米線，同樣既湯底，當一款餸嘅時候明顯更濃，酸辣度更高，可能無粟米嘅關係，感覺更實在。同一個鍋好大分別吧？今次無燒熱，只作容器，米線量好似差唔多，雞柳有口感，照樣新鮮，分量合理，飽足感較高。原來又係中國食店嚟開分店，但暫時未見第二間。鍾意飽足感嘅應該要小鍋米線，鍾意

龍崗雞章魚燒酸辣米線 $43米線偏挺身彈牙 唔會煮得太淋 仲有木耳絲酸菜等配料 幾滿足😋 不過小酸辣隻湯偏辣 最主要係唔夠酸同香 味道唔算吸引我回頭 味道同想像中有d出入😦 有點點失望......龍崗雞有5-6舊 唔同部位 嫩滑有鮮雞味😍 就算有件係雞胸都唔算太鞋 d雞其實唔錯的 可以一試!!!章魚燒其實...係章魚丸 但入面好多菇粒lol🌚??? 少少章魚既煙韌都咬唔到 後尾睇返餐牌原來仲有樣野叫香菇燒 懷疑被騙了加$6仲可以配支豆漿

晚餐經過這裡，即管試一試。米線用較能耐熱的碗盛載，且湯底是我喜歡的豬骨湯，喝了不口渴的，真正美味。我點了豬肚、豬脷、響鈴，配料份量不少，🥢米線爽口有彈性，好味呀！

依間餐廳真係有d格涉真係搞到有d少客源室內裝修都幾靚套餐A一黎個陣個鍋係熱到可以見到d湯不斷出泡泡然後職員即刻幫我哋倒d餸同米線落個鍋入面之前去過雲南 當地都將d餸同米線即場放落個熱湯度 將d餸係湯底浸住下焗熟佢再食依個真係正宗雲南米線嘅食法黎!!入面嘅餸有牛肉 豬潤 雞柳 生菜 牛丸 魚蛋 豆卜 火腿 炸醬 木耳絲 粟米粒 花生 腐皮 滷蛋 芫茜職員將d餸落完落熱鍋後個樣3餸麻辣米線 餸係2粒香菇燒 2粒章魚燒 3舊豬大腸但個湯只得麻味 有點失望米線唔算太淋3舊腸大腸 好大舊!!

當晚，洗牙後，第一次跟男朋友返教會及行街後，他帶我到位於荃灣沙咀道的 <金香緣過橋雲南米線>！至今這間小店開了已有1年！原來這間米線店大有來頭，創立於 2004年，在大陸已有很多分店，進駐香港的分店只此一間！這裡比預期闊落舒適！餐牌花雕雞翼 $20/3隻雞翼滲出花雕酒香及入味，因為他怕食帶有脂肪的雞皮，所以要去皮，淨食肉都覺得夠入味！小鍋米線 $27 豬骨湯+豬膶、腩肉、冬菇燒 $7x3本身已有芽菜、木耳、蔥花以小鍋呈上，米線質感雪白爽滑，而且吸收湯底精華！尚算入味又滑不留口，一（𠽌）直入喉嚨似的！豬膶火候恰到好處，食落富鮮味又不會過火而食出韌勁，除非食到筋位！腩肉味道帶辣而惹味又入味，所以影響湯面浮上一層橙紅色的辣油！冬菇燒質感似魚蛋，混合冬菇粒，是不錯吃的！小鍋米線 $27 豬骨湯+豬肚、牛栢葉、章魚燒 $7x3豬肚、牛栢葉、章魚燒，他的配料豬肚帶嚼勁！章魚燒味道甜甜地又爽口！冷熱豆漿 $8豆漿少甜而豆味濃郁，質感濃稠！店方很好，落單時問有無熱飲？不知是否店經理還是老闆話可以幫我整熱！因為當日我洗完牙，唔敢飲凍飲，實在太好嘞！服務貼心！至於，凍飲夠凍又不會好冰冷！令

早前星期六日同男友約好左去荃灣南豐紗廠拍拖，於是特意OpenRice 荃灣有咩好食又抵食！睇到呢間都幾多好評，而且我又好中意食米線就target左過嚟食😝去到因爲太多餸，我地都每人揀左一陣，最後決定每人食一碗，每人揀左三個餸share🤩我要左竹笙，黑豚肉同章魚燒男朋友就要左響玲，章魚燒同魚腐。個黑豚肉真係好好味，又薄滑又有肉味，最難得係米線，佢係一窩上，份量好多，一定會食得飽，而且煮得熟得嚟好彈牙，唔係超淋易斷果d！下午茶時段加三蚊就有一杯大豆漿，雖然我地order時未到兩點，但都俾我地加左兩杯，讚！埋單一百蚊左右，好唔錯！

第一次黎食，因為有朋友推介，所以抱住一試的心態黎幫襯。叫咗個"雲南過橋米線"，睇住佢真係全部料都係分開盛上嘅， 黎到先逐樣加落去，非常認真。 味道真係一個字"好鬼正" 每樣餸真係一d 都唔hea, 樣樣都好好食，湯又鮮味。連平平無奇嘅一粒丸都令我有驚喜。最後連湯都飲晒， 成碗清晒。誠意推介大家黎幫襯下。可能因為位置唔係太就腳，客人比較少。但非常唔想睇到呢d正食店因為少少位置問題而做唔住，咁真係非常可惜。 集氣請大家多d 幫襯，等我地繼續有正米線食！！！