Video
Read full review
2025-06-21
8 views
🍴海之戀開咗間米芝蓮推介嘅fusion泰菜，今日特登同朋友嚟試下估唔到平日都好多人排隊等緊位，好彩一早book定🌄間鋪裝修都落咗唔少心機，環境典雅，如果有幸坐入面仲可以靠住落地玻璃望風景門口位置就有個mini bar可以睇住店員調製cocktail，非常有格調🐟椒鹽九肚魚天婦羅呢個一定要先寫，必點!!! 好食到不行!!!!平時九肚魚都係得塊肉，但呢度係將原條九肚魚做成天婦羅九肚魚鮮甜而且外脆內軟，再配上大量椒鹽快炒，超級惹味對比大排檔椒鹽九肚魚有過之而無不及，誠意推薦必須要嗌🐚魚露金不換浸花甲選用花甲王，較一般花甲大，肉質鮮甜爽口煮熟嘅花甲連同魚露及其他香料浸足一日，索哂味但又唔會失去本色花甲嘅鮮味，係一道好出色嘅開胃前菜🦀爆蒜炒蟹肉滑蛋飯聽講係呢度嘅招牌菜，睇落有啲似蛋包飯，但滑蛋上面仲鋪滿爆炒過嘅蔥蒜辣椒，配埋微辣嘅醬汁，以及份量出奇地多嘅蟹肉，撈飯一流，不知不覺好快已經食哂🥩紅咖喱檸檬葉燒封門柳呢碟係成餐最驚喜嘅菜式，本身係出於好奇之下朋友又想食牛先嗌，但估唔到呢個fusion得咁好食封門柳肉質上乘，燒到五成熟保留大量肉汁，本身已經可以媲美一般扒房但最特別係佢燒之前用咗紅咖喱醬調
估唔到平日都好多人排隊等緊位，好彩一早book定
🌄間鋪裝修都落咗唔少心機，環境典雅，如果有幸坐入面仲可以靠住落地玻璃望風景
門口位置就有個mini bar可以睇住店員調製cocktail，非常有格調
🐟椒鹽九肚魚天婦羅
呢個一定要先寫，必點!!! 好食到不行!!!!
平時九肚魚都係得塊肉，但呢度係將原條九肚魚做成天婦羅
九肚魚鮮甜而且外脆內軟，再配上大量椒鹽快炒，超級惹味
對比大排檔椒鹽九肚魚有過之而無不及，誠意推薦必須要嗌
🐚魚露金不換浸花甲
選用花甲王，較一般花甲大，肉質鮮甜爽口
煮熟嘅花甲連同魚露及其他香料浸足一日，索哂味但又唔會失去本色花甲嘅鮮味，係一道好出色嘅開胃前菜
🦀爆蒜炒蟹肉滑蛋飯
聽講係呢度嘅招牌菜，睇落有啲似蛋包飯，但滑蛋上面仲鋪滿爆炒過嘅蔥蒜辣椒，配埋微辣嘅醬汁，以及份量出奇地多嘅蟹肉，撈飯一流，不知不覺好快已經食哂
🥩紅咖喱檸檬葉燒封門柳
呢碟係成餐最驚喜嘅菜式，本身係出於好奇之下朋友又想食牛先嗌，但估唔到呢個fusion得咁好食
封門柳肉質上乘，燒到五成熟保留大量肉汁，本身已經可以媲美一般扒房
但最特別係佢燒之前用咗紅咖喱醬調味，而醬嘅份量恰到好處，唔單止無搶走牛味，反而係令成件事多咗一個味覺層次，蘸埋用檸檬葉磨成嘅醬，加添香氣之餘仲中和少量油份，得出嚟嘅平衡感接近fine dining質素👍🏻
🦑冬蔭海鮮湯
份量相當充足，加加埋埋有成7-8碗
而且海鮮用料好豪爽，原隻剝埋殼嘅大蝦仁、本地魷魚仔、青口等，對比其他泰菜餐廳性價比超高 loop🥹
🦐泰式炸蝦餅
外層酥脆，蝦肉爽彈，配泰式醬汁解膩之餘亦更開胃，泰菜必點菜式之一
🧋凍泰式奶茶茶香濃郁，奶味豐富，而且唔似一般泰奶咁甜，飲落好舒服
🍵抹茶椰奶
抹茶香濃，而且係用椰奶沖，更香亦更幼滑，仲要完全唔甜，清新解膩好選擇
🤑最尾不得不提，即使咁高質，佢嘅價錢相當親民，性價比極高
所以難怪成個商場咁多餐廳，平日晚間間都坐唔滿，唯獨得佢一間人山人海咁好生意💰
Post
