Video
1-min walk from Exit E1, Tsuen Wan West MTR Station
continue reading
Telephone
59960986
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
呢間泰菜喺逆市依然日日爆場🤗，講緊嘅係米芝蓮必比登推介嘅 — 🇹🇭Kopitiam By SAYA，餐廳有個落地玻璃望到荃灣海景🤩，好寫意。·♡ 生蝦刺身 HKD$58藍蝦大大隻🦐，口感鮮爽軟嫩，搭配生蒜片同辣椒片食😚，再沾埋生蝦海鮮醬汁，一個字’’爽’’‼️·♡ 魚露金不換浸花甲王 HKD$98招牌菜必點呀😍！想講好好好食，花甲王好大隻又肉厚😙，味道鮮甜冇沙，好爽口咬落去唔會腍唧唧；店家將熟花甲浸喺天然魚露一日，唔怪得咁入味🤤!! 魚露味道甘甜唔腥，好好食呀😋。·♡ 泰式炸蠔餅 HKD$118蠔肉有半隻手指咁長🤩，粒粒飽滿有咬口。蠔餅外層炸得好酥脆，咬開索索聲😙，內裡輕盈，些微油膩感可接受的，啱多人開心share🤗。·♡ 香辣醉貓炒寬河粉（豬肉） HKD$108以魚露、辣椒、蒜頭、九層塔等調味再爆炒，寬河粉質感軟滑油潤😚，寬粉口感比幼粉更具口感👍🏻，個人覺得味道可以再辣一點。·♡ 飛天炒通菜 HKD$88通菜炒完都保持到翠綠爽脆👍🏻，味道好夠蒜辣香味，夠鑊氣🔥，不錯呀～·♡ 芒果糯米飯 HKD$68食泰菜又點少得🥭芒果糯米飯作最後的點綴呢🤩，微鹹椰漿倒入糯米飯中，搭配香甜爆汁芒果🤤，泰滿足了！·♡ 新鮮椰青 HKD$48·♡ FouND In BANGkok HKD$68·**晚上八時後入座，可享有海鮮七折優惠**·📍Kopitiam By SAYA荃灣大河道100號海之戀商場2樓2027-2028號舖
continue reading
🪅好耐都無同卡肥食飯喇，而家返工作息定時，就同佢食個泰國菜。📌近排係荃灣海之戀新開的泰國菜《Kopitiam By SAYA 》好受歡迎，主因價錢親民，裝潢靚靚仲要對住個海🌉，食餐飯都心懭神怡💫。金柚子芒果沙律，$88可算係最有泰國風味的沙律，用上泰國出產的金柚子同芒果，新鮮夠水份多汁💦，食落好清新勁爆汁，好清甜，好岩炎炎夏日☀️。沙嗲雞串配烤多士，$48/2 pc兩大串沙爹雞串配半塊一開三件的白麵包🍞，抵讚的雞串雞肉大大件，燒到好入味，啖啖肉好正😊。魚露金不換浸花甲，$98見人人都點的魚露花甲，相信係招牌菜吧！花甲煮熟後浸在天然魚露非常入味，無沙！啖啖花甲肉好有咬口，一啲都唔腥，索埋露汁食好正！紅咖喱檸檬葉燒封門柳，$168份量好大兜喎！封門柳燒得好靚仔，外皮好脆，内裡燒到5成熟，肉質粉嫩夠淋，無血水，加上粗鹽燒🧂，成個調味都好恰當，好值得推介。香葉肉碎煎蛋飯（和牛），$108卡肥好鐘意食肉碎飯，一般係用豬肉肉碎，加$20可轉和牛。原來和牛係一塊塊和牛，份量都好多，炒熟左的和牛好夠淋，太陽煎蛋🍳流心蛋黃撈埋飯一齊食，夠味地道風味。新鮮椰青，$48卡肥見到原個椰青即刻心心眼，新鮮椰青🥥即開，夠哂青甜，夏日炎炎夠哂解渴，好似去左泰國咁。凍泰式奶茶，$28熊妹食泰菜緊係要飲泰式奶茶，係泰國的特飲。奶茶味濃，比較甜，泰國菜因為偏辣，所以飲品都會偏甜🌶️。📌由小食、主菜、湯麵、炒粉麵、海鮮都有好多款式，原來晚上八時後入座，海鮮有七折優惠，幾抵喎！📌係海之戀進餐除了味覺仲有視覺的雙重享受，選址確實唔錯！
continue reading
荃灣西呢間人氣泰國菜 原來係米芝蓮必比登推介Restoran SAYA既姊妹店 想試好耐🥹海景大玻璃可以睇住日落慢慢嘆 整體食物出色冇失望 唔怪得平日夜晚坐滿好旺場🦪魚露金不換浸花甲王 $98大大隻熟花甲王 肉質鮮甜爽口 吸收曬魚露精華同金不換既清香 作為冷頭盤非常清新開胃🦀蟹肉奄列 $178好掛住泰國既蟹肉奄列! 切開奄列一層層蛋皮 內裡濕潤鬆軟 啖啖蛋香 蟹肉真材實料 份量唔算超震撼 不過依然滿滿幸福感 同埋整體唔會太油淋淋 唔錯🐮紅咖喱檸檬葉燒封門柳 $168封門柳烤至半生熟 件件嫩滑唔韌冇筋 肉味豐厚 仲滲透出陣陣紅咖喱椰香 配埋檸檬葉青醬成件事更清爽更有風味🐟椒鹽九肚魚天婦羅 $118唔係平時大排檔食到果種椒鹽九肚魚 呢碟由三大條原條九肚魚製成天婦羅 再灑上椒鹽炸蔥蒜 外面酥脆邪惡 炸粉雖然少少厚 入面魚肉保持嫩滑😈🦐蝦多士 $58香脆熱辣辣 蝦肉滿滿好彈牙 面頭灑滿芝麻增加香氣口感🥭芒果糯米飯 $68綠色糯米飯暖和帶微微斑欄香 加上香甜既芒果同椰奶perfect match🍹凍泰式奶茶 $28 | 抹茶椰奶 $42兩杯都唔會太過甜岩岩好 解暑一流 抹茶味道更加濃郁就好食完先見到晚上八時後入座 可享有海鮮七折優惠🫠
continue reading
其實我哋真係好少去到「咁遠」，因為一諗起要過海就好懶🤣 所以難得出到嚟，都會search好耐去搵餐廳，因為唔想中伏🥹之前喺大角咀分店食過，見呢度都有分店就唔諗喇，排隊😝呢度個餐牌同大角咀嘅有啲唔同，仲有海景view，鍾意食泰菜嘅一定要嚟試！**佢哋晚市開6點，建議大家可以嘅就早少少嚟，因為未夠7點已經要排隊**👍🏼 魚露金不換浸花甲用咗花甲，比一般花甲大隻，肉質鮮甜爽口，花甲先煮熟再浸香料加魚露，入晒味超正，必試呀🥗金柚子芒果沙律今次嘅芒果唔算好甜，但係反而更開胃，同上次一樣，我留返啲，耐唔耐食吓解吓膩😜🥬飛天炒通菜食親泰菜都必點，酸辣鮮香，鑊氣十足，同時balance吓食咗咁多肉嘅一餐🍗沙嗲雞串配烤多士滿滿炭火風味嘅雞串，配濃濃花生香嘅沙嗲醬🤤除咗點串燒，我仲拎埋嚟搽多士，超惹味！多士香口，加埋嫩滑雞肉，雙重口感👍🏼🦪泰式炸蠔餅蠔餅超酥脆，蠔仔鮮嫩多汁而且數量都唔少，點埋辣椒醬辣辣地，送啤酒一流🦀咖喱蟹汁炒軟殼蟹軟殼蟹炸到卜卜脆，加埋咖喱同蟹肉一齊炒，啖啖蟹肉+酥脆軟殼蟹+香濃黃咖喱🤩呢個係上次喺大角咀食完覺得好好食，所以今次再encore，呢度食無上次食咁辣，反而更啱我口味😝🍜冬蔭清湯魚蛋粉用咗泰國特色捲河粉，再淋上豬肉碎冬蔭清湯，酸酸甜甜又微微辣好開胃👍🏼 潮式手打魚蛋同魚片好彈牙有魚味，完全無粉感，好好食😋🥥煎香草比目魚配香茅椰子湯真心推介！超！好！食！椰汁好香濃，湯微微酸酸地，係走辣版冬蔭功。比目魚煎到啱啱好，魚肉好甜又嫩滑，仲有粟米仔、雞髀菇、青瓜等蔬菜，加埋捲河粉，平時我好少食魚都食左大半條仲飲晒啲湯🤩🦪燒生蠔生蠔都幾大隻，仲有買5送1，嫩滑蠔肉加蒜燒香，on top加炸蒜，鮮嫩惹味🥭芒果糯米飯 又係泰菜必備，香甜軟糯嘅斑蘭椰香糯米飯配新鮮芒果，加埋咸香椰奶醬，口感豐富🍹飲品🍋🟩青檸梳打｜消暑解渴之選🍵抹茶椰奶｜淡淡抹茶味，唔太甜幾好飲
continue reading
[ Kopitiam By Saya ]荃灣海之戀呢間泰菜🇹🇭晚上八時後入座，海鮮做緊七折優惠，即刻約埋朋友嚟食下先🥰。✿ 魚露金不換浸花甲（熟）$98花甲王好大飯，肉質鮮甜爽口，魚露帶出海鮮鮮味😋😋。✿ 椒鹽九肚魚天婦羅 $118原條九肚魚做成天婦羅，再灑上椒鹽，非常惹味香口🐟🐠。✿ 炭燒豬頸肉 $108豬頸肉🐖厚切啖啖肉，烤得外皮香脆可口。✿ 爆蒜炒蟹肉滑蛋飯（中）$88香蒜🧄配上滑蛋&蟹肉🦀，送飯一流❕✿ 冬蔭清湯魚蛋粉 $88選用泰國特色捲河粉，口感爽口。再淋上豬肉碎冬蔭清湯，酸酸甜甜又開胃🤤而魚蛋、魚片夠彈牙。✿ 芒果糯米飯 $68糯米飯軟糯有口感，芒果🥭夠鮮甜，作為飯後甜品都唔錯。✿ Sang Kaya $58新鮮斑斕葉🌱、菠蘿🍍、椰子奶🥥混合而成，整體口感清新解膩。✿ 凍泰式奶茶 大杯 $38食泰菜必飲之選泰式奶茶，茶味香濃。總結🫦食物種類多元化，晚市好旺場，氣氛熱鬧，好適合同三五知己嚟食餐好😘。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Kopitiam By Saya地址: 香港荃灣大河道100號海之戀商場2樓2027-2028號舖電話：5996 0986✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
continue reading