Video
Read full review
2023-06-16
551 views
早排去咗一間起荃灣嘅火鍋店，質素好好～店內嘅裝修好中國風，位置闊落，坐得幾舒服😌今次叫咗：玲瓏浮凸-花膠雞湯鍋（半隻）店員會將花膠剪開放落湯底，滾咗之後可以先飲湯，再將半熟嘅雞件放埋落湯度烚5-6分鐘就食得～湯底好濃郁好鮮甜，三黃雞煮完之後好滑，真係好有雞味～花膠厚身，煮淋之後索曬湯好鮮好好味！頂級雪花牛肉望落成份牛肉好靚，油花分佈平均，但食落唔會好油，食多幾塊都唔怕，牛味仲好濃每片都切得幾厚，份量唔少～蟹黃餃（4粒）鐘意食蟹嘅一定要叫嚟食，蟹黃味好香～皮薄蟹肉同豬肉餡嘅比例好好，食落唔覺腥伊比利亞橡果豬肉質鮮甜，入口即化，同和牛有得揮，食落仲有一陣獨特嘅香氣，令人回味無窮,價錢只係$168 CP值好高大滾友雜菜拼盤雜菜拼盤有好多款蔬菜，包括生菜、油麥菜、娃娃菜、金菇、雲耳、鮮淮山、蓮藕、蕃茄、粟米，樣樣都好新鮮，用花膠雞湯煮好好味大滾友響鈴拼盤-各三件 響鈴拼盤有即炸響鈴同即炸黃金響鈴，兩款都炸得好脆，我比較鍾意黃金響鈴，陣鹹蛋黃味好惹味好香口！竹蔗茅根竹蔗茅根好清甜，一邊食火鍋一邊飲夠解渴焦糖木筒豆腐花埋單果陣店員話果晚有豆腐花送，我仲意為係細細碗果d，點知係木筒豆腐花！上枱之後店
店內嘅裝修好中國風，位置闊落，坐得幾舒服😌
今次叫咗：
玲瓏浮凸-花膠雞湯鍋（半隻）
店員會將花膠剪開放落湯底，滾咗之後可以先飲湯，再將半熟嘅雞件放埋落湯度烚5-6分鐘就食得～湯底好濃郁好鮮甜，三黃雞煮完之後好滑，真係好有雞味～花膠厚身，煮淋之後索曬湯好鮮好好味！
頂級雪花牛肉
望落成份牛肉好靚，油花分佈平均，但食落唔會好油，食多幾塊都唔怕，牛味仲好濃每片都切得幾厚，份量唔少～
蟹黃餃（4粒）
鐘意食蟹嘅一定要叫嚟食，蟹黃味好香～皮薄蟹肉同豬肉餡嘅比例好好，食落唔覺腥
伊比利亞橡果豬
肉質鮮甜，入口即化，同和牛有得揮，食落仲有一陣獨特嘅香氣，令人回味無窮,價錢只係$168 CP值好高
大滾友雜菜拼盤
雜菜拼盤有好多款蔬菜，包括生菜、油麥菜、娃娃菜、金菇、雲耳、鮮淮山、蓮藕、蕃茄、粟米，樣樣都好新鮮，用花膠雞湯煮好好味
大滾友響鈴拼盤-各三件
響鈴拼盤有即炸響鈴同即炸黃金響鈴，兩款都炸得好脆，我比較鍾意黃金響鈴，陣鹹蛋黃味好惹味好香口！
竹蔗茅根
竹蔗茅根好清甜，一邊食火鍋一邊飲夠解渴
焦糖木筒豆腐花
埋單果陣店員話果晚有豆腐花送，我仲意為係細細碗果d，點知係木筒豆腐花！上枱之後店員仲即場幫我哋整焦糖，一d都唔馬虎👍🏻食落都唔錯☺️
總括而言，大滾友食材質素好好，啲湯底鮮味十足，一定會再去！
Post
