Video
Read full review
2018-10-02
1027 views
星期五晚上要開工，想喺開工前獨自食個快又好味既晚餐，相信日式拉麵係不二之選！落到嚟荃灣豚道樂，見到有自閉位，唔駛排隊就入左去揾位坐，位置唔多，尚算坐得舒適，唔太迫，環境頗有日本在地拉麵店味道！餐廳拉麵款式貴精不貴多，餐牌入面每款都有詳細介紹！而落單就係用落單紙，揀好想要既麵，再選擇自己心水既味道，麵既硬度，配料等等，好仔細！而落單紙既另一邊係小食同飲品，原來小食同飲品選擇都幾多餐廳工作人員都以後生仔為主，佢哋都好主動，好有活力，每當有客人進出，出食物都有大聲用日文叫出嚟，感覺去左日本在地既拉麵店咁！見到有我最喜歡既静岡綠茶可樂，又點會唔即刻叫返支嚟飲！ 最鐘意係佢有可樂既味道，仲加入左綠茶既香味！另加配菜先送到，另外分碟上，真係大到嚇一跳，非常大份！而我order既特上黑蒜油拉麵都跟住送到！ 賣相吸引，份量都幾大，有幾件豚肩，2 大片腩肉！肩肉比較硬身有咬口，腩肉軟腍，肥膏腩肉5/5 開，入口即溶！個湯底比較'杰' 身同膠質頗重，勝在唔太油，重豬骨味，黑蒜油味濃，未食已聞到香味！個麵底唔係特別大，大食既朋友可能要加麵了！ 我叫既係曲麵，很煙韌，連埋湯嚟身真係無得彈！最後餃子都送到，即
落到嚟荃灣豚道樂，見到有自閉位，唔駛排隊就入左去揾位坐，位置唔多，尚算坐得舒適，唔太迫，環境頗有日本在地拉麵店味道！
餐廳拉麵款式貴精不貴多，餐牌入面每款都有詳細介紹！
而落單就係用落單紙，揀好想要既麵，再選擇自己心水既味道，麵既硬度，配料等等，好仔細！
而落單紙既另一邊係小食同飲品，原來小食同飲品選擇都幾多
餐廳工作人員都以後生仔為主，佢哋都好主動，好有活力，每當有客人進出，出食物都有大聲用日文叫出嚟，感覺去左日本在地既拉麵店咁！
見到有我最喜歡既静岡綠茶可樂，又點會唔即刻叫返支嚟飲！ 最鐘意係佢有可樂既味道，仲加入左綠茶既香味！
另加配菜先送到，另外分碟上，真係大到嚇一跳，非常大份！
而我order既特上黑蒜油拉麵都跟住送到！ 賣相吸引，份量都幾大，有幾件豚肩，2 大片腩肉！肩肉比較硬身有咬口，腩肉軟腍，肥膏腩肉5/5 開，入口即溶！
個湯底比較'杰' 身同膠質頗重，勝在唔太油，重豬骨味，黑蒜油味濃，未食已聞到香味！
個麵底唔係特別大，大食既朋友可能要加麵了！ 我叫既係曲麵，很煙韌，連埋湯嚟身真係無得彈！
最後餃子都送到，即叫即製，所以食到咁上下先送到，外皮煎得香口，餡料不過不失，熱食唔駛點醬汁都幾好食，凍左少少就建議點醬汁，加點辣椒油就更好食！
喺荃灣嚟講，我食過既拉麵當中，豚道樂可謂必食之選！
Post
