Video
Read full review
2023-07-04
970 views
📌 小憩片刻·雞湯·麵·串燒 - 紅磡崇志街29號地舖🗓(3/7) 星期一 ⏰ 晚上6:30左右 💈特式：因為呢間餐廳同我屋企好近，所以每次返屋企前諗唔到想食咩就會食佢，有時會外賣返屋企食，但試過幾次，始終都係堂食比較好食。🥩🍔🌭🌮🥗🥯🥘🍲🍝🍣🥟🍤🍱食物：餐廳主打兩款湯底，蟲華花花膠雞湯同椰子雞湯，仲有外面比較少有得揀嘅淮山麵，另外仲有小食/串燒等等，而家等我同大家講下🐥味道先。蟲草花花膠雞淮山麵 $78 - 先講湯底，完全無落味精，純天然熬製，直頭就係家的味道，飲到好濃郁雞味同滿滿花膠嘅骨膠原，飲完都唔會口乾。材料方面亦都好足料，有好多件雞，而且口感嫩滑有雞味，另外仲有幾件花膠片，蟲草花同幾條菜。麵底我就每次都會揀淮山麵，佢望落就似米粉，但口感比米粉硬身少少，有輕微淮山味，食落感覺好似比較健康。椰子雞淮山麵 $68 - 佢另一個主打就係椰子雞湯底，呢個湯底會比花膠雞湯清，飲落帶清甜，如果我個排熱氣或者喉嚨痛，就會選擇呢個湯底。材料就會轉左做椰肉片，冬菇同粟米，椰肉片就比較特別，食落口感係爽口偏硬身，咬落仲會有椰香味。黃金雞翼(三隻) $25 - 呢個小食我都成日食，即叫
🗓(3/7) 星期一 ⏰ 晚上6:30左右
💈特式：因為呢間餐廳同我屋企好近，所以每次返屋企前諗唔到想食咩就會食佢，有時會外賣返屋企食，但試過幾次，始終都係堂食比較好食。
🥩🍔🌭🌮🥗🥯🥘🍲🍝🍣🥟🍤🍱
食物：餐廳主打兩款湯底，蟲華花花膠雞湯同椰子雞湯，仲有外面比較少有得揀嘅淮山麵，另外仲有小食/串燒等等，而家等我同大家講下🐥味道先。
蟲草花花膠雞淮山麵 $78 - 先講湯底，完全無落味精，純天然熬製，直頭就係家的味道，飲到好濃郁雞味同滿滿花膠嘅骨膠原，飲完都唔會口乾。材料方面亦都好足料，有好多件雞，而且口感嫩滑有雞味，另外仲有幾件花膠片，蟲草花同幾條菜。麵底我就每次都會揀淮山麵，佢望落就似米粉，但口感比米粉硬身少少，有輕微淮山味，食落感覺好似比較健康。
椰子雞淮山麵 $68 - 佢另一個主打就係椰子雞湯底，呢個湯底會比花膠雞湯清，飲落帶清甜，如果我個排熱氣或者喉嚨痛，就會選擇呢個湯底。材料就會轉左做椰肉片，冬菇同粟米，椰肉片就比較特別，食落口感係爽口偏硬身，咬落仲會有椰香味。
黃金雞翼(三隻) $25 - 呢個小食我都成日食，即叫即做，所以上枱熱辣辣，雞翼面有好多咸蛋黃碎，食落好重咸香味，不過美中不足係有點過油。
☕️🍵🥤🧋🍺🍷🥃🍹🧉🍾🍶🥛
飲品 : 餐廳就有提供罐裝汽水及王老吉/杯裝豆漿同支裝津路烏龍茶，但我通常都唔會叫飲品，因為淨飲個湯底都夠，況且我住咁近，返屋企飲會慳好多。
🍽環境：餐廳環境就普普通通，唔算好乾淨企理，尤其d餐牌都幾殘舊下，但牆身佈置都有心思的，坐位就係兩邊長梳化卡位，都算舒適，不過有時餐廳冷氣就唔係好夠凍。
🤵🏻🤵🏻♀️🤵🏻♂️服務：店員服務態度唔錯，得一個姐姐會樓面，會負責落單/上菜/收碟等，另外餐廳上食物時會上多隻骨碟比你，呢層都幾貼心。
💰💸價錢：我地叫左兩個麵加一個小食，埋單就$171無需加一，價錢都算ok。
🐲💬總結：如果鐘意食雞湯麵，又唔想食味精湯，呢度係一個好選擇，如果未試過淮山麵底，我亦推介大家試下。
推薦指數：❤️❤️❤️❤️🤍
蟲草花花膠雞淮山麵
$78
18 views
0 likes
0 comments
椰子雞淮山麵
$68
19 views
1 likes
0 comments
黃金雞翼(三隻)
$25
12 views
0 likes
0 comments
Post
