鬼金棒

Open Now

Now Closed

今日去銅鑼灣Sogo買嘢，行完街去謝斐道美食一條街搵食，未到晚飯時間，見到鬼金棒冇咁多人排隊，即刻去試下先！拉麵店有幾十個座位，設有吧枱座可欣賞席前製作。餐廳裝修日本地獄特色， 到處見到鬼金棒地獄掛飾。 Scan QR code點餐方便快捷！芫茜麻辣叉燒拉麵專注做拉麵，基本上得一款麻辣湯底，麻和辣各自分大、中、小程度可供選擇。 亦可自行加添配料 有芫茜、芽菜、流心滷蛋和叉燒。我哋點咗 芫茜麻辣拉麵和增量叉燒拉麵！中度麻辣度湯底，惹味易入口十分醒胃， 配搭芫茜出奇搭配有提鮮作用，令湯底麻辣度更突出。這裹叉燒有如東坡肉，肥瘦適中油脂甘香，軟熟嫩滑入口即化。如覺得份量不夠，可選增量叉燒，適合曬我呢啲大胃王！大肉飯、肉碎飯餐廳亦有提供唔辣之選，就是大肉飯和肉碎飯，其實係大大嚿增量叉燒和叉燒 肉碎飯。增量叉燒 啖啖肉大快朵頤，秘製醬汁近似清甜小鹹的滷水醬油，拌飯一流！