Y Show Tasty (Closed)

係尖沙咀食嘢，自然會唸到厚福街，成條街都有好多餐廳同小食店，而H8入面有唔少嘅餐廳，我同朋友揀咗Y Show Tasty ,兩個女仔可以傾吓心事。入到去，感覺環境舒適，闊落嘅通道同柔和嘅燈光，真係好啱傾吓計食下野。Wagyu Burger 🍔 $148一見到大大碟嘅漢堡，就已經比佢吸引住。重點係有好多好多嘅芝士🧀如果係芝士控，就會俾佢吸引住。一個杯仔裝住好多嘅芝士，望住啲芝士流落去個包度，甚為治療，啲芝士多到流晒出嚟。個包夾住一塊厚身和牛漢堡，和牛仲保持住肉汁，咬落一啲都唔會乾，沙律菜同蕃茄都係好新鮮，記得要一啖食落去，夾住啲菜同個包食，正正。😍最鍾意食個薯條🍟，個薯條好厚身，食落真係鹹鹹地啖啖薯仔味，好有質感。食薯條最啱就係趁熱食。